Upral I funda taro resle informacie notirime si kaj paše 120.000 Roma đivdinen ko ilegalno khera kote aso o NGO sektori isi paše olendar 20.000 ko romane mahale ki Srbia. O numero trao ilegalno khera taro Roma ko Niš thaj Leskovac si paše 1.000 vakerel o Osman Balič direktori taro “Centro Yurom” taro Niš. Faktori doske akala objektia si len asavko statusi si odoleske so nane olen love baši legalizacia thaj na đanena o kanonia thaj kamen ma te pukjinen o danok e themake. Bizo oficialno lila thaj dokumentia e khereske o domakini e khereskoro nane le but bare niamia naprimer ten a ovrel le komunalno kanalizacia, te rodel krediti ko banke thaj te šaj legalno te bikinel po kher.