Ko stari akale masekoske ko makedonikano mediumsko eteriu startujngja bukjaja o rebrendirimo mediumi Televizia TV B1. Rebrendirime si soske ov funkcionirinel ki frekfencija tari nekanutni TV Šutel. Akana i TV B1 isi la nevi pli editorialno struktura thaj saste nevo tehnikano thaj televizisko kadari thaj manuša. Ko jekh si kerdi reforma ko programeskiri šema. O timi so kerel buti ko TV B1 si kerdo taro iskusno mediumsko profesionalcoa thaj isi nevo televizisko terno profilia. Prekal o informacie i programa ka ovel 24 saatia thaj ka ovel i programa taro sa o segmentia sar so si informacie, zabava, edukacia, kultura thaj barvali filmsko programa. Planirime si baro numero emisie taro sako karakteri thsaj saikerina. Trubul te vakerel pe kaj o informacie thaj o emisie ka oven ki makedonikani thaj romani čhib. Bahtasa TV B1!
