„Taro bijanipa dži ki profesia - avgo decenia e stratgiake ki socialno inkluzia thaj integracia e Romenge” si internacionalno konferencia so ikergja pe ki Budimpešts taro 22 dži ko 24 septembro 2021 telal ungariakoro legaripa e Komitetea taro ministera ko Europakoro Konsilo. I konferencia si šajdipa te dikhen pe o progresim resipa thaj informacie thaj lačhe praktike ko aktivitetoa e Europakere Konsiloske e Europakiri Unia thaj olakere thema membria kana kerel pe lafi e  Romenge.

I konferencia phravgja la i Snežana Samardžić-Mrković generalno direktori baši demokratia ko Europakoro Konsilo thaj o Laslo Felkai themakoro sekretari baši administracia ko Ministeriumi andrune bukjenge ki Ungaria.

I konnferemcia ka fikusirinel pe ko berša taro čhavoripa dži ko bukjarnipa so ka ovel majlačhe te resel pe dži ko benefitia sar so si sastipaskiri protektiva, kherutnipa, anglal školkso edukacia, fundavno, maškarutni thaj uči edukacia, thaj profesionalno praktike em bukajrnipa.

Link: https://www.portal-udar.net/vijece-evrope-otvorilo-konferenciju-o-integraciji-roma-u-budimpesti/

TAV Makedonia čhudela sa o reakcie taro Nacionalno Ombdusmano ko elongoro editoriali ko socialno netvorko Facebook “Reakcia taro Nacionalno Ombdusmano pali notacia  kaj preperutne tari Romani jekhin na sine mukhle te dromaren aeroplanea” taro 16 septembro 2021 berš, thaj olengoro Rodiba dži ko TAV Makedonia kaj si kerdi diskriminacia e dromarutnenge prekal etnikani funda  sar saste bizo fakti.  Bašo konkretno akti nane nisavi diskriminacia ko odola aktia prekal etnosi , kolori mortikakoro jali rasno funda. Ko akava akti kaske o Nacionalno Ombdusmano reagirinela aso o kerde kontrole e aviokompaniake , o sistemi IATA – Timatic, thaj e I Port Travel Doc., o dromarutne na pherena sine o šartia te šaj dromaren baši Belgia ko 15 septemvri 2021 thaj odova:

1. E dromarutnen na sine len validno sertifikati saste vakcinaciake (validno sertifikati javela pe kaj nakhle duj kurke angleder te chidel pe ko drumo).

O duj dromarutne sikavgje vakcinalno sertifikati dataja 4 septemvri 2021 berš, a olengoro aviotiketi sine dataja 15 septemvri 2021 berš a odova sikavela kaj na nakhle duj kurke.

2. E dromarutnen na sine ln esencialno faktori te dromaren so si notirime tari i them Belgia, premal o kerde restrikcie bašo dromaripa sebepi Covid 19, a ola sine makedoniakere themutne thaj mangle te aven ki belgia taro turistikano aspekti (sar misafiria ki pli familia), thaj na sine len nisavo dokumento kaj si len lendi sasti vakcina . Aso o informacia prekal i aviokompania so dengja la dži ko TAV Makedonia ko 3 septemvri 2021 berš , i Republika Utarali Makedonia si čhivdi ki loli zona taro thema thaj prekal odova te šaj khuvel pe ki Belgia faktria si akala:

O dromarutne šaj khuven ki Belgia salde sikave esencionalno faktea trujal:

• Te sine themutne ki EU jali rezidentno
• Sertifikatea kaj si len sasti vakcinacia

O  dromarutne bizo jekh taro akala faktoria našti te astarn o dromaripa trujal salde te na sine themutne tari Belgia .

Truja so valjani te pheren akala šartia o dromarutne trubul te ovel olen pherdo elektronsko formulari, anavkerdo sar Passenger Locator Form.

Dopherdo sako drom kana o dromarutne kinena aviokarta tari aviokompania ola praktikane phanena kontrakto e aviokompaniaja thaj trubul te dikhen o faktia e dromaripaske e aviokompaniakere.

I Pandemia e Covid 19 ko baro faktori trampingja o šartia dromaripaske ki lumia em ando si sako them peske te anel diferentno restrikcie ko dromaripa em visite. Naprofesionalno thaj naetički si amendar deiba info baši “diskriminaia e Romenge taro TAV Makedonia”  ko mediumia bizo te dikhen pe o čače faktoria em te kontrolirinel pe i realno situacia . Ko thaj odoleske bičhavdi si salde reakcia dži ko mediumia anavkerdi sar :” Reakcia taro Nacionalno ombdusmano kaj havgja kaj Roma so dromaren na sine mukhle te chiden drumo em si irame” thaj palo odova o lil taro Nacionalno Ombdusamono te resel džo ko TAV Makedonia.  Odoleske saste demantirinaja sa o akceptirime ki “Reakcia taro Nacionalno Ombdusmano em pakjaja kaj ko avutnipa nane te došperaven amen a bizo te dikhen o čačutne faktia m te keren odoleske kontrola”