Ko vakti e Parlamentarno sesiake trujalo IRU delegatia taro 25 thema, so aso i agenda ka diskutirinen aso i situacia an o pire thema e Romencar ka keren pe diskusie bašo andrune interesia an o IRU an o buteder segmentia.

Ko jekh importantno si te akcentirinel pe kote an i akaja Patlamentarno IRU sesia poro than sar misafiria ka len pobuter govermenteskere thaj institucionalno membria tari Croacia sar so si o vicepresidento e Croaciakere Govermenteske Furio Radin, Alen Tahir , taro Ofiso manušikane niamenge thaj nacionalno minjoriteto ani Croacia, - Nenbro tari Istarsko Županija o rajo Valter Flego, o rajo Boris Miletic - dizjakoro šerutno e dizjake Pula thaj aver membria taro Romano NGO thaj biznis sektori.

Sar so sine havljarde an i Pula Croacia taro 25 - 27 maj ikergja pe o 4-to Parlamentarno sesia taro IRU kote than lele 37 delegatia taro 22 thema thaj aver misafiria tari i them sar so si uče membria an o themakere institucie thaj membria taro romano NGO sektoro.

O Parlamento sineb ikerdo an o hotelo "Brioni" Pula thaj trujal o Parlamento aso aver diskusie sar so si akcepcia akcie ko lačharipa e situaciake e Romencar sakote an i lumia thaj pozitivno egzamplia so implementirinen len an o pire thema e romane problemencar sar so si Danska, Norvegia, Australia, Švedska jali Finska, sine prezentirime thaj o problemia e Romencar aver themendar sar so si o West Balkani.

Sebepi o meriba taro o romanoaktivisto , ex romano deputato an o kosovakoro parlamento, žurnalisto thaj poeto KujtimPačaku o Zoran Dimov sar Presidento an o IRU taro oleskoro anava thaj an o anav taro Internacionalno Unia IRU bičhavgja telegrama thaj vaktavin kote sikavel gajreti taro majpaše taro Pačaku.

„ Hor siem bibahtale thaj sikavaja majčačutne gajreti e majpašenge taro Pačaku.
Kama te sikavas amari bibaht , na salde e majpašenge so našavgjam e Pačaku, thaj našavgja akalea o sa Roma sar taro Balkani agjaar thaj majbuvleste.

I Internacionalno Romani Unia - IRU an o piro Statuto si le akto vash jekh a jekh o religie. Ko odova konteksti ko agaorutni parlamentarno sesia taro IRU an i Pula sa o delegatia angje importantno decizia.
Odoja si kaj an o IRU te formirinel pe Komisia vash Religia thaj kolaboracia
An o odova konteskti sa o IRU delegatia sine jekh kaj i Komisia ka avel kotrabucia te kerel konekcia thaj unipa maškar sa o manuša bizi diferencia tari olengiri religia.