An i agorutni Video konferencia taro IRU so sine an o 25 fevruari akava berš kote than lele membria taro IRU kabineto an i Europa, USA, South Amerika, Pakistan, India kotethan lele upreder 25 IRU delegatia kergje diskusia vash buteder teme thaj aktivitetia e IRU-a konektirime bašo 2018 berš.

Maškar o aver sara majanglutno aktiviteto i akcias te ikerel pe o mitingo an o IRU Kabineto qan o Stokholm, Švedia ko periodo 22 thaj 23 mart.

Trujal o definiriba o aktiviteto vash 2018 berš, o Šefi e IRU Komisienge Rosita Gronfors ka del propozalo e programake an i promocia thaj funkcioniriba e đuvljano IRU Romnjengoro lobi te zojrakerel pe o aktiviteto e Romane džuvljake an o IRU.

O Unime Nacie ko avutno masek ka kerel verifikacia bašo membripa e Internacionalno Romani Unia - IRU thaj so ka del pe lenge o ECOSOS numero

Akava kerel validnost kote o IRU ka iranel pe an o UN thaj si importantno elementi taro reanimacia taro IRU palo ikerdo 10-to Kongreso an o 2016 berš kote sine dendo sar prioritetno plano.

Ko nakhlo periodo but berša napalala kana o IRU an o 1979 berš sine membro an o UN numa nekobor berša palo odova našavgja odova statusi an o UN.

Kana i Internacionalno Romani Unia - IRU so eštabliringja pe thaj zojrakerda piro sasto kredibiliteto ko vakti e Kongresoske an o Skopje 2016 berš kana sar presidento sine alusargje e Zoran Dimov, ko nakhle duj berša lende aktivitetia thaj akcie , thaj resle rezultatia olengoro kredibiliteto ko jakha sar an i romani agjaar thaj na romani aktivitetengere ofisia reslja epiteti majkompaktno romani internacionalno romani organizacia.

Olakere membroa sar an o UN verifikaciaja taro ЕСОЅоС numero thaj o putriba trin ofisoa ko UN kancelaria sar so si an o Njujork, Viena thaj Ženeva . membro an o Bordi taro EVZ, kotor taro ERTF, kolaboracia e Europakere Konsiloa, Europakere Komisijaj thaj avera, maškar o Roma thaj o avera notirime si trendi ko havljariba kobor si importantno akava IRU timi kerel buti an o interes e Romenge.

I Internacionalno Konferencia e Romane džuvljake , IRU - Džuvljano lobi an o Stokholm , Švedia ikergja pe an o 22 Mart akava berš. Oj ikergja pe an o Scandic Gotel - Tjobi .

Kerel pe aktiviteto te vazdel pe o Romano džuvljakoro pučiba an o Pervazia e IRU-ske thaj buvleste.

An o pervazia pire aktiviteteske pire diskusie thaj organizaciakiri šema an o IRU Džuvljano lobi . Odothe than lele: Rosita Gronfors, Ann-Margrethe Livh, Miranda Vuolasranta , Sissela Nordling Blanco, Angelina DimiterTaikon, Diana Nyman, Mia Taikon, Sunita Memetovic, Barvul Sonja, Kristinela, Domino Kai thaj avera.

Ko specialno bašo Romano radio o Presidento an o IRU Zoran Dimov akcentirinekla o nukte thaj plania taro akcie so ka kerel o IRU thaj o Džuvljano lobi an o periodo so avela.