Respektirime delegatora thaj IRU membrora

Phraljalen thaj Phenjalen!

Ačhola man sar IRU Presidento baro hošipa te informirinav tumen thaj te hulavava akaja importanto sar amenge sar IRU informacia

Ko korkoro starto taro amaro savorengoro aktiviteto taro IRU Kongreso an o mart 2016 berš an o Skopje thaj o zori thaj regulacia an o savale e buteder internacionalno institucie  thaj fondacie sar an i Europa agjaar thaj an i lumia numa pohari resaja amari mangin.

Palo resipa ESOCOC statuso taro IRU an o UN thaj an o pervazia e majodorigutne kolaboracia thaj aktiviteto , mitingo uče funkcionerencar taro UN sine e IRU presidento Zoran Dimov. O mitingo sine kerdo an o UN Ofiso an i Viena.

Ola kergje diskusia an i tema situacia e Romencar so si kotor an i strategia an o UN . O Zoran Dimov zapendžargja len bašo o drumo te arakhen pe majučo nivelo o Romano pučiba an o globalno nivelo. Ko vakti taro mitingo an o UN- Viena ov zapendžargja olen thaj paralelno bašo aktivitetoa so legaren thaj o duj aver IRU Ofisoa bašo UN an o Njujork thaj Ženeva.

O nekobor beršengoro nahaljovipa taro duj riga taro IRU- jekhe rigatar IRU -Viena kaskoro presidento si o Zoran Dimov, thaj IRU-Latvia kote si presidento o Nortmund Rudevic si čhivdo agor.

Ano pervazia anglutne aktivitetenge thaj abruštipa so sine ikerdo na o 23 januari 2018 berš an o Berlino - Germania ko ofiso taro EVZ Fondacia sine kerdo mitingo maškar o duj Riga. An o odova mitingo trujal o IRU presidentia Dimov thaj Rudevic than lele o Ivan Bariev tari Rusia, Gruja Bumbu Romania, Vasilia Dragoi Moldavia, Roman Čonjanski Polska, thaj o duj advokatia Dr Frank Repenhagen tari Germania thaj Bari Fiđer USA.

Pali akharin taro šerutno editori thaj legarutno an i emisia "Phravdo studio" Sašo Ordanovski . misafiri an i emisia sine o Presidento e Internacionalno Romane Uniake -IRU thaj sar presidento e NGO ZRDICM o Zoran Dimov.

Sine dende majbut pičimata an i konekcia o Roma tari RM thaj o Roma an o internacionalno nivelo. Ko pučipa: " Kobor thema an i lumia isi ministeria Roma so keren buti vash o romano pučiba" o Dimov akcentiringja kaj an i R.Makedonia si jekh taro raritetmo thema an i lumia so direktno si o Roma an o funkcie sar an o lokalno agjaar thaj an o kanonikano - Parlamento thaj egzekutivno an o Govermento.