Pandž dženengiri romani familia taro Novi Knjaževac bare bataja ačhile dživde kana akanaske napendžarde persone an o kurko ko 21.50 o saati an i olemgiri familiarno kher sine frdimo molotovo kokteli thaj sine tharde kotor taro kher.
„Siem sine hazri te pašljova kana taro jekh drom amaro rikono počmingja te havčinel zorale. Nikana anglutne na sine odokhare daravutne. Taro jekh drom pharilo zorale thaj iklili bari jag ko kher "- vakerel i Mirjana Golja romni taro Jašar, thaj daj e Manueleske so barabutne dživdinel ple romnjaja thaj tikne bebea ko familiarno kher.
-Sigate iklilem avrial thaj mlo rom počmingja te čhinavel i jag. Bahtake e mujaljagakiri ekipa ali sigate thaj lokaliziringja i jag taro kher. Sine but dumani sare šaj sine te mera, a ko kher si amen bebe, vakerela daravutne i Mirhana.
Ola vakerena kote akana sig kingje o kher thaj nadžanen kaske smetinena.
- Soske keren amenge atako , nikaske na kergjem khanči. Trujal o kher i policia arakhlja kante benzinea. Daraja ka šaj li normalno te dživdina majodorig akate, vakeren i familia Golja.
