I internacionalno organizacia manušikane niamia Amnesti Internejšnal, bičhavgja kritika e Čehiake bašo rasistikane diskriminacie upral o čhave an o škole.
O Amnesti ko ple raportia dopherel dopheren kaj o romane čhave an i Čehia "sakodive si čhivde an i diskriminacia thaj segregacia ko škole sebepi lungovakeskoro naaktiviteti e Govermenteske te faisalkerel o problemi ki predrasuda an o edukaciakoro sistemi"
O generalno sekretari taro Amnesti Salil Šeti ko raporto akava okarkateriziringja ole sar rasizmi. " O hulavipa e romane čhaven dikhel pe odothe sar džana ki škola ko aver objektia olenge, ko asavke objektia thaj škole so si len problemi e mentalno sastipaja" akcentirinel peko raporti. Ko raporto notirinel pe kaj sako trinto čhavo an o asavke škole si Rom.
"O čhave čhivde ko etničko hemime škole si čhivde ko maltretiribe thaj teleperaviba'', notirinen ko raporti
I Pavlina Pekova daj taro duj tikne Roma so sine maltretirime an i škola, vakergja an i konferencia mediumenge so organiziringje o Amnesti kote desave jeria mangen te legaren e čhaven ko škole kote džana salde Roma" ma te dikhen len sar rovena.
I percepcia si kote i Čehia , them tari EU isi la 10.5 milionia manuša, kote Roma si paše 250.000 - 300.000 .
Ko statistikani operacia ko 2011 berš paše 5.000 manuša dekalriringje pe sar Roma a 7.000 si len čehiakoro thaj romano jeripa.
