Ko thavdipa taro 2015 berš aso o statistike an i Francia ko kurko deportirinen pe sine po 216 roma. Asavko paldiba sine kerdo ko 111 romane kampia kote si locirime o Roma migrantia.
Akava akcentirinel o Europakoro Cenatri bašo niamia e Romenge, kote sa o Roma ko thavdipa taro plo thanjariba an i Franmcia sine tretirime telal but nahumano šartia dživdipaske.
O sistemsko paldiba sikavel e themakiri politika tari Francia mujal o Roma, kote sar akcent soske keren odova arkahen o akcie si kerde pali reakcia naregularno faisalia e phuvjenge thaj placenge kote so thanjarena pe o Roma.
O rzultatia tari akaja analiza sikavel kaj jekvaš taro imigrantai sine paldime ko trinto kvartali e beršeske so kerel e nialeskoro periodi si majintenzivno ki deportacia e Romenge
Akaja situacia tari sistemsko deportacia si zojrakerdo thaj rigatar Komiteto baši eliminacia rasno diskriminaciake, o Komiteto manušikane niamenge an o UN, thaj o komesaro taro Europakoro Konsilo manušikane niamenge so si len klar thaj čačutni percepcia so i Francia kerel e Romenge.
Ko 2015 berš paralelno zorea tari deportacia bajrol thaj o akti taro terori upral o Roma . Klar alarmantno sikavel kaj o antiromano hošipa an i Francia si ko učo nivelo.
O monitoringo akale politikenge trubul te kerel organizacia ko pervazia taro sistem dialog maškar lokalno ( komune, ofisia) regionalno, nacionalno, lokalno NGO thaj aktivistia.
