Jekh taro majpendžarde romane legende sar ule o roma si i legenda taro Luri, kote persiakoro poeto Firdus notirinela an o piro lil "Lil e thagarenge" šanda ko 420 berš anglal i nevi era kote kerel lafi bašo Bahram - Gur , e lačhe ileskoro thagar tari Sasadinsko dinastia so mangel sine oleskere manuša te lokharel o dživdipa, alo an i idea te arakhel desavi forma lošalipa nadžanlipaja kaj ka ovel le but bari rolja an i historia akale naciake.
Jana dikhlja kaj oleskere manuša taro dive ko dive si sa majbibahtale soske keren sine but buti bizo te oven hari relaksirime, o Bahram -Gur taro thagar tari Kambodža thaj e indiakoro maharadža o Šankala rodingja taro olengere manuša te alusaren jekh majbari grupa manuša so si len talento bašo bašajbe thaj kheliba so ola kergje odova: thaj tikne vakteske sar bakšiši taro indisko Maharadža sine legarde 12.000 muzičaria.
Te šaj te dživdinen ple bukjaja o Bahram -Gur dengja olen phuv thaj alatia em seme te šaj te keren odova da buti.
Akala mauša anavea sar Luri sine šukar muzičaria thaj bašaven sine sasto vakti odoleske so o Bahram -Gur sthaj oleskere manuša ule but bahtale a ko jekh em o thagar.
Palo jekh berš o thagar Gur kergja kontrola so keren o Luri e phuvjaja thaj stokaja so dengja olen, numa kana dikhlčja dikhel deka i phuv nane kerdi soske sasto bašavena, a te na oven bokhale počmingje te mangen peske devlenge a i phuv em o alati bikingje. odova holjankergja e thagare thaj paldingja olen tari pli phuv.
Ola gele peske trujal i lumia odolea so bašavel sine averenge thaj adžaar dživdinen sine a pea legaren sine po desavo džanvari sar so si majmuni jali mečka.
Trujal i legenda taro akala 12.000 Luria so si o avdisutne Roma baro numero legende sisi kote sar šerutni rolja isi e thagare Pnega so palo o Devel sine majbaro an i planeta.
Jekh dive o Pnega manglja te holjankerel e Devle thaj dengja akti o sasto askeri oleskoro te len davulia em te khuve, Kana khuven sine ko davulia i sasti phuv tuinanel sine taro khujbe.
O sasto teksti šaj te dikhen ko akava linko:
