Akala dive an o foro Esen - Germania, kerdi sine promocia e lileske "Prekal o duvar" tari Nizaket Bislimi - romni so an i Germania ali an o 1993 berš sar azilanti taro Kosovo, thaj palo 13 berša an o 2006 berš dendi si lake oficialno ofental kaj šaj ačhol an i Germania.
Ko piro lil i Nezaket hramosarel o phare 13 berša azilansko dživdipa an i Germania thaj o sasto pharipa.
*Ola avdive isi la 36 berša thaj kerel buti sar advokato an o Esen. E Nizaket Bislimi sine la 14 berš kana geli peske taro gav Halač an o Kosovo. Oj pire daja duj phenjencar thaj o duj phralja, ale an i Germania, bizo piro dat soske lele le sar mobilizacia askeri ani Srbia.*
Majodorig ko lil hramosarel o pharipa thaj nahumano thanjaripa sa o berša napal so nakhlja.
Oj saste vakti kergja zori te studirinel Juristika thaj te ovel lačho advokato. D‚ivdinel sine an o kontejneria, tikne khera, brodo thaj aver than daraja kaj ka oven deportirime. Numa an o masek juni 2006 berš, dendo si olake status kaj šaj ačhol an i Germania. Ko piro lil " Prekal o duvar" i nizaket hramosarel o pharo nahumano proceso "azil", thaj sa okova so udžarel e Romen taro Balkani kana aven te roden azili.
Oj ko jekh dži ko angleder duj berša sine prezidento an i Unimi Romani organizacia an i Germania, thaj arakhel sine o interesia e Romengere an i Germania.
Akava lil trubul te ovel thaj lačhe te phravel o jakha e germansko sasoitnipaske thaj buteder romenge taro ex YU thema.
