I populacia an i republika Makedonia si sa majphureder thaj akana isi depopulacia. Akava sikavel o numeria tari analiza e siklenge ki fundavno škola an i them. An o peridoi taro 8 sikljojbaskere berša (2007/08, 2008/09, 2009/10, 2010/11, 2011/12, 2012/13, 2013/14 и 2014/15) taro kerde informacie taro Themakoro ofiso baši statistika šaj te anel pe konkluzia kaj sa si majtikno o numero taro sikle thaj tikne varijancencar tiknjaren pe o školsko klasia.
Karakteristikano si odova so o tiknjariba e numeroske e siklenge si ki sasti teritoria e themake thaj ko sa etnikumia.
Ki paralela e tiknajribaske o numero o sikle tari fundavno edukacia aso etnikumi o numero tiknjola thaj si evidentno ko sa o etnikane jekhina an i them.
O numero e siklengoro aso etnikumi an i beršeskoro nivelo thaj ko Roma džala agjaar:
2007/08 - 9451 romane sikle
2008/09 - 9304 romane sikle
2009/10 - 9161 romane sikle
2010/11 - 9011 romane sikle
2011/12 - 8796 romane sikle
2012/13 - 8948 romane sikle
2013/14 - 9337 romane sikle
Okova so šaj dikhel pe tari akaja analiza si kaj i terni - reporduktivno kadri populacia tiknjarel pe, thaj avel dži ki trampa e phuribaskiri -polovi struktura e populaciake, so indirektno si presia upral o numero taro čhave an i them.
