Sa o Romanja trubul te pakjan an i peste, thaj kana ka keren desavo plano odova trubul te keren, numa ma te ačhoven ki avgo blokada, akcentirinel i Maria Aleksandrović Doktoro palo Nauke.
I Marija Aleksandrović nakhlja akava pharo drom taro fizičko bukjarni, bukjarni ko umalja, higieničarka dži ki funkcionerka an o Govermento an i Vojvodina.
I Marija barili ko čorolipa pe diajaj, phralea thaj phenjasa . Khuvgja ki buti ki lokalno ciglana kote legarel sine cigle taro javin dži ki rakj, jekhe gndipaja an i peste: te educirinel pe thaj te kerel sukceso an o dživdipa.
Pobut taro jekh berš užarel sine o basamakora an o aprtmaniora thaj taro love džala sine ko studie te educirinel pe an o univerziteto. Sar sukcesialo siklo ki agrarno škola kamel sine te ovel profesori pali srpsko čhib thaj literatura . Reslja te hramosarel pe an o Filozovsko fakulteto an o Novi Sad kote zapendžargja e pendžarutne romologo Trufun Dimić thaj i Svenka Savić, so konektiringja pe an o proekto mentorsko teloikeriba e romane studentenge.
Ko jekhto berš taro studie sine stipendisto e Fondaciake OSI thaj tegani i Marija sikavgja kapaciteto taro sukceso. Ko avgo duj divesa akaja 40- beršengiri Romani džuvli ikergja i doktorsko disertacia an i tema: " Simbolika e Romane poeziake olakoro thanjaripa thaj importantno" thaj sikavgja kaj i buti thaj i mangin si sako drom ko lačho aspekto. Oj piro zoralipa sikavgja sa e Romenge kote i morthik nane šerutno momento an i edukacia thaj sukcesi thaj ko jekh bičhavel baro ov sasto savorenge okolenge so pakajana sine upri late thaj ikergje la thaj dengje la suporto ko majphare momentora ka trubul sine.
Pobut an o linko : http://www.telegraf.rs/vesti/1891008-od-trnja-do-zvezda-od-pralje-do-doktorke-nauka-marija-aleksandrovic-odbranila-doktorat-foto-video
