O Roma an i relegia thaj literatura ko nekanutno SSSR

Trujal o oficialno ateizmo an i ex SSSR, but Roma ikergje ple religiozno tradicie thaj apakjavipa. O Roma majbut sine an i odoja religia maškar o manuša so dživdinen sine. An i Rusia thaj Ukraina ola sine Rusko ortodoksia, an i Estonia thaj Latvia Luterania, an i Litvania thaj Belorusia katolikia, an o Krim thaj Centralno Azia muslimania (Sunitia). O relegiozno baredivesa sine but importantno  e Ortdoksno familienge, o Krečuno - Božiko thaj i Patridi - Veligdani si ekstra opservirime. O paramisia thaj o ritualia zojrakeren sine i interpretacia e Romane religiake thaj sikljujbaske

Panda ko 18-to šelberšipa , o Rusincia thaj i Romani kultura si ekstezivno konektirime (akava tipi konekcia sis ko aver da thema. O numero Rsko, Ukrainsko thaj Sovetsko pisatelia sine inspiririme  tari Romani percepcia kote o rusincia dikhena sine len sar mangipa bašo "liberta".

 

Duj rusko autoria so sine len bare aktia upral i rusko literatura sine o Aleksandar Puškin (1799-1837) thaj o poeti Aleksandar Blok (1800-1921), an i poema taro Puškin "Roma" o heroi o Aleko so gelo romane bendia an i Besarabia ko agor mudarel ple Romnja e Zafira, so irangja le leste sar Gadžo a zamanglja Rome. Akaja paramis inspiringja e poete Blok so istemalkergja desavo terksti tari poema taro Puškin " O romano karavani džala sine, o čerenja thabljon sine upral"

But fantastično paramisia sar so o čhave spasinen sine pe familien taro giganstko sapa, taro gogjaver romane čhave so čoren o grast taro thagar gadžo, čhave so si biame ko jekh vakti thaj o jazie konektirime. Odova buteder sine kerdi prekal lačhi naracia kote dopheren thaj humorea. Romane autoria editirinen sine ki ex SSSR ko 1930-to berša sine o Germanov, Pankov Dudarov dengje but školsko thaj politikane pamfletia  barabutne prozaja, translacia e rusko čhibjaja thaj lila taro Ivan-Rom Lebedev thaj o Kustaleb so hramosaren sine romane teatarsko perfomansia thaj paramisia.

Palo 1937 berš na editirinel pe sine an i romani čhib sa dži ko 1980-to berša kana iklili kolekcia taro paramisia thaj gilja e čhavenge taro Išvan Demeter, R.S thaj P.S. Demeter, Mateo Maksimov, romane autoria so hramosarena sine an o Parsi trujal so si biame an i Rusia.

Prekal e muzikakoro stili "Romani romansa" sine formalizirime taro urbano Romane horia ko 19-to veko. O hori giljaven sine rusko folk thaj urbano mangipaskere gilja pendžarutne ple vibrato thaj semtonsko giljajbe thaj dekoracia so si pendžarde taro romano giljajbe. Desave gilja si giljavde thaj an i romani čhib. O kemane thaj o gitare teloikeren sine majbut džuvljane vokalia. O stili dikhel pe sar melodrama thaj romantično tari rig e Rusiake. An o Romano teatro an i Moskva "Romalen" kote aven sine o Rusia te sikljoven i romani muzika thaj kheliba.

O orginalno repertoari taro teatari sine diktatičko dizajni taro Roma bbašo Roma. Palo desave berša o teatar sine koncetririme pobut premal na Romani publika. Ko repertoari sine konektirime thaj autoria Roma, sar si si Amen siem Roma, Sine biami an o romano karavani thaj i Romani čhaj so angja i baht. Ko jekh sar e Rusiakere agjaar thaj e europakere kotora taro Puškin sar so si "Roma"  thaj o Federiko Garsija Lorka "Ratvalo biav". Majpendžđardo vokali so iklilo taro akava tetari si o Nikolae Sličenko tari Ukraina. O gilja taro akava tetari si pendžarde sakote an i Sovetsko Unia kote o tetaro dromarel sine thaj kergje filmia so sine len buvli distribucia.

Pin It
FaLang translation system by Faboba

Сакам да речам

Momentalno Online

Имаме присутни 130 посетители кои го читаат ROMATIMES.NEWS

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот