Lungo vakti o RDS dikhel o aktioelno aktivitetia an i them thaj o aktiviteto taro romano politikano bloko thaj olakere membria an o sa o niveloa.
O RDS aso dži akanutno kerdo ko lačharipa e romane jekhinake an i them notirinela le ko but tikno nivelo taro aspekto lende akcie tari rig e romane politikane blokoske bizi diferenca si li ola an i pozicia jali opozicia.
Pobuter droma sine aktivitetia so trubul sine te kerel pe reakcia tari rig e jekhto politikane ešaloneske.
Liparibaske si kote ko dende anglalalusaribaskere dende lafia mujal i romani jekhin akan panda si sa an o jekh than. na sine nisave reakcie taro romano politikano bloko aso o kanoni e čhibjenge.
O agorutno akti baši statistikani operacia gejniba e manušenge thaj eliminacia e grafake - nacionalno identito.
Ko sa akale aktia, o romano politikane faktoria ačhile sar kašuke opservatoria.
Odoleske o RDS akharel sa o involvirime poltikane faktoria pohari te džangavgjoven taro hor jevendaskoro suno , thaj te oven majaktivno sar so džangavgjovel i natura an o anglonilaj.
Tena kergja odova tegani i romani populacia nane te vegetirinel thaj ka šukjol em ka ačhovel an o margine taro sa akala aktia.
Trubul aktiviteto a na te bijanel kukavičko jare. Vakti si!
