Претседателските избори финишираа победник е Стево Пендаровски! Но да направиме еден осврт од поинаков аспект во врска со ромските гласови например во најголемата и единствена ромска општина во државата - Ш.Оризари.
Таму по првиот круг на 21 април резултатите беа поразителни од аспект на излезеност, каде од вкупно 23.765 гласачи излезеноста беше 21.8% - 5181 гласови од кои 2369 за С.Пендаровски, 45.7% Силјановска 1774 или 34,2%, Б.Река 835 или 16.1%.
Факт е дека сите поважни ромски фактори во Шутка за време на предизборните кампањи беа многи „јаки„ на социјалните мрежи но на денот на гласањето ефектот беше многу поинаков!
Од тој аспект, и согледувајќи ги бројките, како да беше вклучен алармот за узбуна помеѓу партиите, и веќе по првиот круг очигледно дека вториот круг им беше „поправен„ да се покажат пред своите ментори од СДСМ и ВМРО ДПМНЕ.
И во вториот круг почнаа гласно со повици и мотивација надевајќи се на нивниот кредибилитет. Исто и вклучувајќи покрај СРМ, ПЦЕР, ОПЕР, градоначалникот од редовите на СДСМ, како и од другата страна како што се РОМ, ДСР, вклучувајќи ги тука за мотивација за излезност и од Аваја и други ромски НВО, се мислеше дека во вториот круг излезеноста ќе биде двојно поголема.
Значи буквално започнаа со силно УРА, но ефектот сепак не беше на потребно ниво! за разлика од првиот круг овој пат излезеноста беше малку повисока и тоа за околу 1700 гласачи повеќе или низ бројки од 23.765, гласале 6899 или излезеноста 29%.
Разликата во гласови беше во корист на Пендаровски за 1583 гласа!
Или во превод „Се тресеше гората се роди глувче„.
Поентата е следна: Ромските лидери гласни, ромските аналитичари (Аваја), мотивациски гласни , но ефектот беше - 7% поголема излезеност за разлика од првиот круг!
Да се запрашаме дали со овие резултат има место за презентирање за тоа колкава моќ и кредибилитет имаат овие фактори да делуваат врз ромскиот напатен народ?
Мора да е едно јасно за да се мотивира ромскиот народ потребно е прво да видат позитивни ефекто и направени дела, затоа што тие веќе „на жими мајка„ несакаат да веруваат! Гласни мотивациски говори и фрази од типот„ќе биде„, „ќе направиме„, „ќе оствариме„ и слично немаат веќе ефект! Со народот е потребно да се биде отворен, искрен и директен во сите 365 дена во годината, а не само во 20-тина дена за време на кампањи, а после: „Извини а кој беше ти?„
РДС анализата продолжува...
Ставот на текстот преставува личен став на РДС и е надвор од уредувачката политика на Веб порталот Рома Тајмс
