Симулациите на Светска банка предвидуваат стапката на сиромаштија да порасне од околу 17 отсто во 2019 до околу 20-23 отсто во 2020 година и од 55.000 до над 130.000 граѓани на Македонија (во зависност од тоа дали кризата ќе трае еден или два квартали) би западнале во сиромаштија.
Но сега велат борбата против сиромаштијата можеби ќе биде и потешка од изминативе години кога стапката на сиромаштија иако минимално, сепак од година во година се намалуваше во Македонија.
Покрај нашата држава, се даваат резултати по земји и за Албанија, Србија, Црна Гора, Босна и Херцеговина и во Косово. Симулациите покажуваат дека освен здравствените влијанија, значително би можела да се зголеми сиромаштијата и да се намали средната класа во сите земји
Во светот во скиромаштија во моментов живеат речиси 1,5 милијарди луѓе. Загрижувачки е фактот што половина од нив се на возраст под 18 години.
Само еден од податоците на извештаите на ООН вели дека во светот има 820 милиони луѓе кои дневно се борат со гладта, тоа во просек би било едно на секои девет лица во светот.