Во Берлин ќе се воспостави документарен и меморијален центар за историјата на Втората Светска Војна и националсоцијализмот со посебен фокус на групата жртви кој до сега не беше во центарот на вниманието.
Затоа во германската јавност остана речиси незабележано дека на 9 октомври Бундестагот донесе историска одлука за воспоставување спомен-обележје за сите жртви на германската деструктивна војна и режимите на окупација во Втората светска војна. Тој треба да биде документарен, едукативен и меморијален центар со цел да се пренесе историскиот контекст, да се објаснат страдањата што се случија во Европа и Германија и да им се даде простор на памтењето на потомците на жртвите. Германската влада има рок до крајот на 2020 година да претстави план за имплементација на оваа одлука. Кога зборуваме за Втората светска војна, германскиот парламент, политичари и историчари го користат терминот - германски Вернихтунгскриг - германска уништувачка војна, војна до истребување. Тоа е војна чија цел беше целосно уништување на држави, народи или етнички групи - масовни убиства на население или уништување на средства за живот.
