Американскиот новинар и публицист, Пол Полански со години го изучува животот нс Ромите и нивната култура. Еден период живееше и на Косово. Тој вели дека состојбата со росмкото национално малцинство е многу лошо, особено откако голем број на Срби го напуштија Косово.
- Живеев на Косово од јули до ноември 1999 година и спроведов истражување помеѓу ромската заедница во Косово, вклучувајќи ги тука Ромите, Ашкалиите и Египќаните.
Забележано е дека на Косово до НАТО бомбардирањето имаше 298 росмки заедници и маала со околу 17.5 илјади куќи и околу 120.000 жители.
Кога го завршив истражувањето на Косово имаше само 30,000 (10 илјади Роми и 20 илјади Египќани и Ашкалии). Околу 14.5 илјади куќи беа уништени кога Албанците се вратија кога пристигнаа трупуте на НАТО. Само помал број од околу 14.5 илјади куќи се обновени. По пристигнување на меѓународните сили , поголем дел избегаа најповеќе во германија и Италија , а некои во Србија, Црна Гора и Македонија. Само мал број останаа, а и тие кој останаа беа константно злоставувани од страна на албанското мнозинство.
-Инаку немам добра соработка со НВО секторот затоа шт сметам дека повее работат за сопствен интерес отколку во интерес на Ромите и затоа ги избегнувам.
-За ромскиот народ можам да напишам романи. Тие во западното општество се повеќе се интегрираат. Но со тоа многу изгубија од својот јазик и обичаи, иако поголемиот број до нив животот во запад не е ништо подобар на тие Роми од истокот на Европа. Косовските Роми ја сочуваа својата традиција во најголема мера. Денес има десетина ромски племиња на Косово кои потекнуваат од различни древни индиски касти.
- Инаку не гледам некоја добра иднина на Ромите од Косово. Поголемиот број Албанци кон нив има историска нетрпеливост. На Ромите во Косово потребна им е работа. Има такви кои со децении живеат и зборуваат албански јазик и тие се единствени кои може да се надеваат на нешто. Ниту на еден Ром не му е дозволено да се врати на работа која ја имаше пред војната.
- Нивната главна мака е лошиот живот и услови недостојни за човекот. Немаат адекватни живеалишта , медицинска грижа и се целосно невидливи за јавноста.
Ромите имаат доволно маки во сегашноста и немаат сила да се борат за минатото
