Со приближувањето на локалните избори се повеќе се вжештува и атмосферата помеѓу политичките партии која на некој начин ќе кулминира и со „инфекција„ и кај гласачите. Со старт на летото стартуваат и теренските активности, мерење и „билдање„ на рејтинзи. Со оглед дека неможноста за почеток на преговори со ЕУ ќе го дочека и периодот за локалните избори кои ќе се одржат во втората половина на октомври, опозициските партии веќе се подготвуваат да прокнижат поени од тој неуспех, додека позицијата ќе се насочи на програми за локален развој и ако случајно ЕУ ипрати позитивен сигнал тоа ќе биде плус бонус нивно „алиби„ кај гласачите. Но се поставува прашање со каков профил ќе бидат идните кандидати за градоачалници и советници? Што ќе понудат? Какви програми, и со што ќе го натера народот токму него да му го дадат гласот?
Факт е дека сега ќе почнат да ги посетуваат сите сокаци, улици, куќи ќе се сочувствуваат со нивните проблеми, ќе ја разбираат нивната мака, ќе ги слушаат нивните проблеми и веднаш ќе ветат дека ако се гласа за нив тој проблем повеќе нема да го има! А и самиот народ ќе знае дека тој „филм го гледале„
Што се однесува до кандидатите што може да се очекува? Едно е сигурно дека партиите на некој места ќе нудат исти имиња, на накој места тотално нови лица „без црни дамки„ а нормално ќе „никнат„ и независни кандидати.
Со сигурност е дека меѓу кандидатите ќе има и такви профили како што се „бизнисмени„ кои нема да зависат од градоначалничката функција, но ќе има и такви каде работното место - Градоначалник ќе сакаат да го искористат за личен бенефит. А сите ќе бидат со слоганот „Се за народот„
Не треба да ги заборавиме тука и и некои лица од добростоечките непрофитни НВО организации, кој ќе го бараат „благословот„ од тој напатен народ за преориентација од НВО во политички води. Тоа ќе го направат или самостојно преку своите добропрофитни организации или пак во фузија со некој од поголемите и влијателни партии како нивен „сателит„
Но за се ќе се декларираат дека нив политиката не ги интересира туку ги интересира само - граѓанинот и неговиот добробит.
Но сега престои правење на планови, проекти, скици, и неформални средби, а кога ќе дојде крајот на летото тогаш знак за - ЈУРИИШШШ.
Значи не чека жешко лето: Граѓаните ќе се тепаат за лежалки на плажа и термини за вакцини и вадење на пасоши и друга лична документација , а политичките партии за градоначалнички и советнички столчиња во изборната жешка есен
