На овие локални избори изгледа во Шуто Оризари че биде како онаа серија „Луд, Збуњен, Нормалан„. Кој е лудиот, а кој збунетиот и на крај кој ќе биде нормалниот  изгледа никој не е сигурен и незнае.

Кандидатите за градоначалниката функција иако неофицијално веќе се надѕираат. Асан Ферат е дефинтивно предложен од СДСМ. Логично е дека сите коалициони партнери на СДСМ треба да застанат позади тој кандидат. Но не баш така! Довчерашниот „пулен„ на СДСМ и актуелен градоначалник на Шуто Оризари Курто Дудуш - Куцо, затоа што не е „по мерак„ на СДСМ си побара поинаква алтернатива. Да се кандидира од ромскиот политички блок. Изборот падна на ПЦЕР на Самка Ибраимовски. Лобито на Куцо помеѓу Ромите од Шутка е доволно така да неофицијално Куцо е кандидат за градоначалник на Ш.Оризари од ПЦЕР! А ПЦЕР е коалиционен партнер на СДСМ? Ама затоа внатрепартискиот врв во ПЦЕР донел одлука да застанат позади Куцо, а не позади Асан Ферат. . Ова е очигледно вртење на „грб„ на СДСМ, но само за во Шутка. А надвор од Шутка дали ќе му помага на СДСМ сеуште не е јасно.

Втора „каша попара„испаѓа со кандидатот од партијата РОМ - Тефик Махмут, РОМ е коалиционен партнер на ВМРО-ДПМНЕ  и логично е да му дадат подршка на Тефик. Но од ВМРО тоа го демантираа!

Третата „каша попара„ е кандидатот Геге Демировски. Е него ќе го подржел Шабан Салију - ДСР. А ДСР е исто во коалиција со ВМРО -ДПМНЕ. Тука ВМРО сеуште не се изјаснил дали ќе го подржат Геге.

Значи дека во Шутка доколку остане оваа листа ќе има парадокси. СДСМ и неговите коалициони партнери ќе се судрат меѓу себе во кандидатурите.

Исто „масло го прават и ромските партнери што коалицираат со ВМРО - ДПМНЕ.

А исто се поставува прашање кој кандидат ќе поддржат и дел од ромскиот политички блок како што се партиите на Габриел Бајрам, Неждет Мустафа, Аксел Ахмедовски, Миљазим Сакипов ... Дел од нив се со власта а дел со опозицијата.

Едно е сигурно,, дека после локалните избори ќе има и „бракоразводни парници„ помеѓу големите македонски партии СДСМ и ВМРО -ДПМНЕ со голем дел од ромскиот политички блок..

Во оваа „политичка оргија„ не се знае ни кој кого, ни со кого...Баш типично за „„Луд, Збуњен, Нормалан„.

И да не забравам...а тек што ќе биде со советниките листи..можете само да си претпоставите.. Во Шутка претпоставувам дека на тие советнички листи „кајмакот„ ќе го собере албанскиот политички блок.

fShare

Tweet