Ромите се и меѓу украинските војници кои се борат против руската армија, изјави Виктор Човка, известувач од украинскиот град Ужхород, кој го потврди овој факт за шведското радио Романо. Човка изјави дека сега се враќа од Англија за да му се придружи на семејството во Украина, пренесува порталот Newipe.

Тој истакна дека во Украина има многу војници Роми.

„Многу Роми кои станаа војници одамна потпишаа договори со украинската армија и не можат да заминат бидејќи никој нема да им дозволи да ја преминат границата, тие мора да се борат во оваа војна. „Има многу Роми кои сакаат да војуваат, бидејќи ова е местото каде што сме родени - во Украина“, рече Човка.

Друг ромски активист, Џулијан Кондур, рече дека сите прават се од себе да останат безбедни, да бидат со своите семејства и да бидат подготвени да ги бранат своите домови.

„Се потпираме на нашата армија и ќе ја браниме нашата земја“, рече Кондур.

Украинскиот претседател Володимир Зеленски нареди општа мобилизација во четврток непосредно пред полноќ.

Се додека е на сила вонредната состојба, мажите на возраст од 18 до 60 години не можат да ја напуштат Украина.

Link: https://rominfomedia.rs/2022/02/26/ukrajinski-romi-na-braniku-otadzbine-rame-uz-rame-sa-sunarodnicima/

Youtube: 

fShare

Tweet