Обвинителството, здравствениот инспекторат и Агенцијата за лекови почнаа со „чешлање“ на работата на приватната клиника “Жан Митрев“, по откритијата на ИРЛ, но првите наоди се најавуваат за утре. Во меѓувреме уште стотици други граѓани пријавуваат вакви случаи.

Обвинители, здравствени инспектори и претставници од Агенцијата за лекови почнаа да ја истражуваат работата на приватната клиника “Жан Митрев“, по документарниот филм „Нечиста крв“на Истражувачката Репортерска Лабораторија (ИРЛ), во кој отркиваат дека Клиниката на кардиохирургот вршела клинички студии на пациенти со методот на хемофилтрација без да ги пријави, а воедно се истражуваат и смртни случаи, поврзани со бактериски инфекции кај пациенти.

Од Клиниката „Жан Митрев“ за РСЕ велат дека соработуваат со институциите и се што ќе биде побарано од нив ќе го дадат на располагање.
Клиниката преку соопштение до медиумите ги отфрли информациите во документарецот како невистинити и обвини за намерно нарушување на честа и угледот на клиничката болница.

fShare

Tweet