Се сеќавате ли на онаа приказна од пред една година за германскиот пензионер каде германските власти пронајдоа тенк во подрумот?
Сега приказната има (судски) епилог... Германски суд го осуди 84-годишниот пензионер.. за недозволено поседување оружје, бидејќи во неговиот подрумот бил пронајден вистински арсенал, вклучувајќи нацистички тенк „Пантер“ и противвоздушен пиштол.
Судот во Кил одлучи овој Германец да го казни со условна затворска казна од 14 месеци и му беше одредена казна од 250.000 евра, јави ДПА.
Покрај тоа, му беше наредено да го продаде или донира тенкот тежок 40 тони и противвоздушниот пиштол на музеј или колекционер во следните две години.
Осудениот Германец пред судот тврдеше дека го купил „Пантерот“ во Англија, инсистирајќи дека тоа е нефункционален тенк, но според германските закони незаконски е да се поседуваат тенкови, оружје и муниција што може да се сметаат за воени алатки без посебни дозволи. .
Локалните власти во северниот германски град Хајкендорф го откриле нелегалниот арсенал при претрес во подрумот на домот на 84-годишниот пензионер во 2015 година.
Претресот беше извршен како дел од пошироката истрага за трговијата со уметност од нацистичката ера, а во посебна рација беа откриени две бронзени статуи на коњи кои стоеја пред канцеларијата на Адолф Хитлер.
Link: https://rominfomedia.rs/2021/08/02/offset-shares-a-video-of-cardi-b-giving-birth-to-baby-kulture-2/
