За три месеци непознати вандали уништија десетици надгробни споменици и осквернавија гробници на ромските гробишта во Лесковац, кои се наоѓаат во комплексот на Светоилиските гробишта на Јајнски пут.
Осман Веселовиќ за РОМинфомедиа изјави дека надгробната плоча и гробницата на неговата сопруга биле сквернавени двапати.
„Пред неколку месеци вандали го оштетија споменикот и ги искршија керамичките слики, па морав да нарачам други, да ги лепам и да ги поправам другите оштетувања, но истото се случи пред неколку дена, а денеска го пријавив случајот во полиција во Лесковац“, рече Веселовиќ.
Ни кажа и дека на сличен начин биле оштетени уште десетина споменици и биле осквернавени погребните места.
Да потсетиме, во 2021 година на истите гробишта крадци од дваесетина гробни места извадиле метални огради и порти, месингани букви и вазни, а оштетените случајот го пријавиле и во полиција. До денес не се знае кои се сторителите на тие злосторства.
