Околу 150 Роми демонстрираа на улицата Стодолни во Острава, Чешка, против насилните напади за кои тие тврдат дека биле насочени кон нив. Како одговор на повеќе од еден таков инцидент во последните недели таму, ромскиот инфлуенсер Дејвид Мезеи повика на протест.
Полицијата ги надгледуваше демонстрациите. „Баш во јануари, се случија два такви случаи кога чуварите претепаа млади посетители без никаква причина освен дека се Роми. Ова не може да се дозволи да продолжи. Полицијата истражува, но сеуште нема никаков резултат од тоа“, изјави Мезеи за медиумите од местото на настанот.
Ромските демонстранти го започнаа својот марш на раскрсницата на улиците Надражни и Стодолни, застанаа во еден од баровите за кои станува збор, а потоа се упатија кон полициската станица на улицата Масна. „Полицијата треба да испрати повеќе патроли на улицата Стодолни и да им забрани на малолетниците да влегуваат во кафеаните. Не сакаме повеќе од овие инциденти“, ги прозва Мезеи полицајците пред станицата.
„Не дај Боже да се случи нешто полошо, што ќе не испровоцира и потоа ќе се случи нешто уште полошо“, рече Мезеи. Ромските демонстранти извикуваа „Доста ни е!“, „Сакаме законот да важи за сите!“ и „Ова е нашиот дом!“
Video: https://www.facebook.com/udalostiostrava/videos/1399874777218423/
