Проценките на УНИЦЕФ велат дека бројот на сиромашни деца е зголемен за речиси 30.000 во текот на изминатата година, а најранливи се малите кои живеат во големи семејства, селски домаќинства и ромски населби, пишува Политика.
Стапката на апсолутна сиромаштија во Србија во 2021 година изнесувала 8,9 отсто, што значи дека речиси секој десетти човек во Србија не можел да ги задоволи основните егзистенцијални потреби за храна и облека, а проценките велат дека оваа стапка е зголемена во изминатата година помеѓу 0 , 3 и 2,5 отсто.
- При секоја криза сиромашните стануваат уште посиромашни, а богатите уште побогати - тоа го покажа и кризата предизвикана од пандемијата на Ковид-19 и војната во Украина. Истражувањето кое вклучува проекции за сиромаштијата кај постарите лица покажува дека оние кои живеат во руралните и оддалечените области најтешко ги задоволуваат своите потреби за храна, хигиенски производи или лекови.
Тоа значи дека секој осми човек во Србија не може да ги задоволи основните егзистенцијални потреби за храна и облека, а во особено тешка ситуација се луѓето постари од 65 години.
