I Šuto Orizari si i majbari Romani opština an i Evropa, šhaj da ko sveto.
Oj si i jekutni opština so isi la Romano šerutno. I Šutka si barvali muzikaja, thaj utasvalipaja, numa isto si pherdi čorolipaja. Odori o bijava si delo taro svako dive ko nilaj ked iranena pes o strancija. Pherdi bojencar, barvale thaj čorole khera, skupo thaj motorija prikolkencar, thaj grasta so legaren prikolice, odobor but bukja ko jek tikno than.
O šarm e Šutkakoro si lakoro pazari, thaj o bukja so biknena pe si uvek „orginalno„.
O manuša si šukar, asavko si o karakter e Romengoro taro odova than. Šutka - o Bronx taro Skopje, than so si pherdo magijaja, baht, thaj nasakodiveskoro djivdipa.
