Barabutne 482 romane čhave na džan an i škola ko duj fundavutne škole an o Šuto Orizari sikaven o rezultatia taro rodaripa so ko periodi maj - juni akava berš implementiringja i Asociacia "24 Vakti" an o pervazia e proekteske " Inklusia prekal edukacia".
Aso o rodaripa majkritično si o periodo taro jekhto dži ko pandžto klasi kana majbut taro Romane čhave mukhen i edukacia.
" O čhave ikljovena taro fundavno škole taro nekobor faktoria sar so si andrune thaj avrutne migracie, thaj o socio -ekonomikani situacia ko Roma, vakergja o Sali memed koordinatori e proekteske anglal o starti e prezentaciake taro sikavde rezultatia.
Majbaro procento e 16 beršengere čhavenge si avri taro edukaciakoro proceso palo odova avena okola so si len 15 thaj 14 berša . An i kerdi analiza aso o rodaripa akcentirinela pe kaj našti te udžarel pe 14 beršengere čhave agorkerde dujto tjali trinto klasi te iranen pe an i škola barabutne e oftoberšengere čhavencar so džan ničale an i škola thaj e trinto klaseske trubul te kerel pe kreacia aver programe an o ničali edukacia so ka šaj anen nakhaviba akale čhavenge an o majuče klasia.
