Majbaro numero taro nasiguritne hangutne tari Alusaribaskiri lista, 17.000 anketaria tari TAK ka kontrolirinen ko komune Čair, Butel thaj Šuto Orizari. Pobut taro 11.000 nasiguritutne hangutne isi an o Kumanovo thaj Lipkovsko regionia, paše 7.000 an o Centar thaj Aerodrom, an o Karpoš thaj Tetovo po 6.000 thaj 4.000 an i Bitola.
Ki eratutni bešin, i Komisia hangimi an o veb sajti ka oven sikavde o anava taro persone so si astarde an i terensko kontrola, sar so vakeren sebepi transparentno procesi.
Prekal o informacie e Themakiri alusaribaskiri komisia terensko kontrola erati startujngje la 488 anketaria thaj džala bizo problemia.
Barabutne e anketarencar an o tereni isi thaj opservatoria taro o štar politikane partie, thaj sar so vakeren taro TAK nane len niami te khuven thaj te keren komunikacia e personencar so si anketirime ki terensko kontrola.
I terensko kontrola ka agorkerel ko 3 april.
