O Sinan Sakić angleder desave divesa sine dislocirime taro Kliničkocentro an o Beograd an i jekh privatno klinika ko but bilačhi sastipaskiri situacia.
Oleskiri romni thaj o čhave legargje le an i privatno klinika, soske nane čale taro tretmano an o Kliničko centro.
Aso o lafikeriba tari i romni e Sinaneskiri i Sabina, ov na sine nanjardo pobuter taro 2 kurke.
Oj vakerela kaj aso anglutno kerdo phanlo lafi sine la niami te ovel an o apartmano e Sinanea taro 08:00 javinate dži ko 20:00 časo.
O čhavo o Ernesti buningja pe akale deciziake, kote palo odova o Kliničko cnetro akhargja policia, so palo odova lele le thaj legargje le aso so kerel sine opstrukcie manuše so kerel piri buti.
O Sinani ko hospitali sine ando an o 27 aprili an o Kliničko centro, pali kerdi kontrola thaj kaj trubul te kerel transplatacia e kale bukheske. Udžarela pe sig te džal an i Italia te kerel pe i transplatacia.
