I Internacionalno Romani Unia - IRU, bare samaja dikhel i situacia thaj seriozno momentia so si an i Republika Turkia.
Bibahtale sebepi i situacia thaj mangin bašo peravipa e themakere legaripaske a ko jekh atako upral demokratsko principia an i jekh them sar so si i Turkia.
Pakjaja kote i sasti situacia ka čhivel pe telal i kontrola thaj i Republika Turkia ka kerel zori te ovel panda majzorali.
Amen sar IRU siem bibahtale soske trujal e turkiakiri nacia thaj aver nacionalitetia so dživdinen an i Turkia si thaj o Roma.
Ko jekh o Roma si kotor taro Turkiakoro sasoitnipa so dži akana but droma sikavgje kaj si pativale dizutne e themake, thaj nikana na sine faktori tari destabilizacia e themake thaj e sasoitnipaske.
Numa pakaja kaj i R.Turkia ka nakhavel akala problemia soske i Turkia but droma an o nakhlo vakti sine but khuvdi . I Turkia sako drom ikerel sine o drumo tari demokratia thaj sa o aver faktoria athinela tari naciakiri mangin (konektiribaja thaj o Roma) sar instrumento e parlamentarno demokratia" notirinel pe ko agor taro mesaži tari Internacionalno Romani Unia - IRU.
