Sar aktivitetia tari Internacionalno Romani Unia – IRU ko 30-to septembro thaj 1-to Oktobro 2016 bersh an o Stokholm ka ovel mitingo vash sa o IRU Komisie . Ko jekh an o akava mitingo ka prezentirinen pe sa o Strategie tari sako Komisia so si notirime sar Sefia e Komisienge . Akava mitingo si pal kerdi iniciativa taro o Shefoi sa e Komisiengoro i Rosita Gronfors tari Svedska thaj o IRU presidento o Zoran Dimov.
Ki odoja organizacia than lela thaj o IRU membro tari Svedska thaj membro an o Dzuvljano Romano IRU Lobi i Ajten Berafla. Ko vakti taro akava mitingjo truja i prezentacia vash o IRU strategie ka ovel dikhiba thaj bare personencar taro Svediakere govermenteskere institucie vash majodorigutni komunikacia thaj majuce kerdo nivelo buti keriba an i konekcia e Romencar sar tari Svedska agjaar thaj i lumia. Ka parafirinen pe pobuter kontraktia so ka ove sar jekh forma suporto taro svediakere institucije. Akava panda jekh drom sikavel i buti taro akava timi taro IRU barabutne e presidentea o Zoran Dimov thaj barabutne saste timea taro IRU so si aktivno an o plo butikeriba so si importantno e Romenge an o internacionalno plani.
