Интернационалната ромска унија –ИРУ, за време на пандемијата со КОВИД 19, прави напори на кој начин може да им се помогне и на Ромите за полесно справување со оваа состојба. Еден од најголемите проблеми се и од економски аспект. Инаку ИРУ има ECOSOC во ОН, и со тоа е директно вклучен и во тој сегмент од социо економскиот статус.
Но според ИРУ, прогнозите од страна на ОН во врска со светската економија за 2020 година не се оптимистички.
Обединетите нации проценија дека светската економија годинава ќе падне за 3,2 проценти, како резултат на пандемијата на коронавирусот, најмногу од Големата депресија во 1930-тите.
Тоа значи дека околу 34,3 милиони луѓе веројатно ќе паднат под крајната линија на екстремна сиромаштија, а меѓу нив ќе бидат и Ромите.
ОН предвидуваат дека дополнителни 130 милиони луѓе би можеле да се најдат во крајна сиромаштија до 2030 година.
За да не дојдат до тие црни сценариа ИРУ и неговата Комисија за економија интензивно ќе бара алтернативи во координација со ОН и заедничките канцеларии во Њујорк, Женева и Виена за ублажување на предвиденте прогнози, и воедно во периодот кој следува да се направат сет мерки и стратегии помеѓу ОН и ИРУ , и да се амортизира целата оваа состојба во периодот кој доаѓа.
