O video so dikhela pe o brutaliteti , kote jekh gadžo malteretirinela terne Rome a anavkeribaja - Cigan, so nane izolirimo akti thaj incidenti. I situacia taro 800.000 Roma an i Bugaria si realiteti so si sar atač akale informaciake so si an o socialno netvorko.
Ko sig vakti jekh opozicisko nacionalno bugarsko partia sebepi demografsko problemia an i Bugaria mangel te keren sterilizacia e Romenge sat akti te arakhel pe agor e problemeske .
Trujalk o bugarsko ministeriumi baši edukacia, akcentirinela kote o roma te na gele ko škole ka oven daravin e sasoitnipaske.
Sar daravina si thaj desave bande ko droma an i Sofia thaj aver dizja ko romane mahale keren teroro thaj atako. I romani jekhin akana stigmatizirinel pe sar teroristikane adaptacia sebepi olengiri muslimansko religia.
Akala momenti si kana beršencar napalal te ovel represia upral o Roma te resen vota an i popularnost a ma te del pe lenge nuiami politikane votake o Roma sar politikane partie našti kerena. Telal o anava KUPATE sar parlamentarno kandidatia si čhivde ko daravinathaj manipulacie.
Jekh olendar si thaj o Toma Nikolaef Mladenov so rodel azili an i Britania. Ov akana planirinel te avel an i Bugaria trujal so isi le decizia kaj šj te ovel phanlo duj berš sebepi tikno incidenti ko jekh policiakoro stasioni.
O Toma sar prezidenti e Romenge an o London thaj aktivisti an o IRU but droma kerel zori te respekltirinen pe o romane hakoja. Ov organiziringja akana protestiua sar so si o agorutno ko 8 -to Aprilo anglal o ofiso taro briatniagoro premiero an o London o Dejvid Kamerona.
Akana telal akala čipote trubul te iranel pe i sama ko siguriteti taro Toma Nikolaef tari rig e bugarsko govermenteske palo oleskoro iraniba an i Sofia. Te arakhlja pe anglal presia thaj brutaliteti tegani o IRU thaj o aver romano NGO an i lumia ka kerel reakcia.
