I Prezidento tari Internacionalno Romani Unia - IRU, o Zoran Dimov avdive bičhavgja protestno nota - Reakcia dži ko Ambasadori e Republika Montenegro an i R.makedoni O.E. Predrag Mitrović, sebepi o incidenti so ulo akala divesa an i Podgorica , kana akana duj napendžarde persone kergje fizičko atako upral naidentifikujmo Romano čhavo.
An o video so sine distriburimie prekal socialno netvorko dikhela pe kote bizi karana fizički malteretirinen e terne čhave.
Maškar o aver ki pli reakcia o Prezidento taro IRU o Zoran Dimov akcentirinela kote " IRU zorale kerel reakcia ko akala individualno atakia thaj rodela zoralo kriso tari tumari them te kerel pe fundavno thaj baro jurisdikciakoro rodaripa te šaj kerel pe globa mujal o manuša so kergje akava atko. Jekhe lafea te len pe krisoskere aktia thaj aver instrumentia an i republika Montenegro, so ka sikavel mangin te kerel pe globa akale aktenge soske o fakti si kote an o Montenegro isi paše 10.000 Roma thaj si direktno phagiba o fundavno thaj manušikane aktia an i tumari them" notirinel pe ki reakcia taro IRU.
