ИРУ

IRU parlamentarno mitingo an o Beograd, šansa te vazdel pe o romano pučiba anglal i lumia

O keriba e avutne IRU parlamentoske so si notirime bašo 12-14 oktomvri 2017 berš an o Beograd, džana aso o plani. O organizatori maksimalno kerel zori akava Parlamenti te ovel majphravde thaj aktivno.

Arakhle si sa o faktoria te ikerel pe o IRU Parlamento. Jotelsko akomodacia, sala ikeribaske o IRU parlamento , tehičko organizatorsko parametria. Startujngja suporto e IRU Parlamentoske thaj irame info so than ka len importantno misafiria, internacionalno, asociacie, organizacie thaj temakere institucie tari Srbia em ambasade.

O IRU kerela zori akava Parlamenti te nakhel majšukare. Akala divesa an o Beograd sine kotor taro IRU Presidiumo ko čelat e presidentea o Zoran Dimov te keren kontrola ko džiakanutne aktivitetia thaj sikavegje čalipa taro dži akanutne rezultatia.

Повеќе...

Dujto naučno simpoziumo e Romane Holokausteske so ka ikerel pe aso aktivitetia taro IRU Parlamento an o Beograd taro 12-14 oktomvri akava berš

Ko avipa ikeriba e beršeskere dikhibaske taro IRU delegatia thaj membria taro Parlamentarno mitingo an o Beograd , Srbia so si notirime bašo 12-14 oktomvri sar bukajrni agenda ka ikerel pe Dujto baro naučno simpoziumo e Romane Holokasuteske.

Akava si analogno thavdipa e akanske so ko mart 2016 berš ko Skopje ikergja pe o Jekhto Naučno Simpoziumo bašo Holokasuto.

Ajana jekh berš napalal neve faktencar thaj dokumentia an i konekcia e Romane Holokasutesko ko mitingo an o Beograd ka prezentirinen neve faktia thaj detalia . Prezentacia ka keren o D-r Trajko Petrovski taro Skopje, Nikolaj Krivošeev taro Valjevo thaj D-r Frank Repenhagen tari Germania em avera.

Повеќе...

An i komemoracia ko Jasenovac o organizatoria mangipaja jali na, e Presidente taro IRU havljargje le sar " Membro an o IRU tari Makedonia"

Ko vakti e ceremoniake ko deiba respekto e Romane viktimenge an o Holokausto an o Jasenovac sine akahrde thaj delegacia tari Internacionalno Romani Unia -IRU so sine legardi taro olakoro Presidento o Zoran Dimov barabutne e duj delegatorencar Mite Hasim tari BiH thaj Veli Husein tari Hrvatska.

An i akahrin an io protokolo aso o organizatori klar sine notirime o anav e IRU sle thaj olakoro presidento Zoran Dimov.

Numa ko vakti taro spikersko havljarin e misafirenge mangle jali na taro kabineto e membroske e Romenge an o Hrbvastko Sabor o Veljko Kajtazi kergja pe trampa ko agorutno momenti thaj ko than e funkciake "Presidento an o IRU" sine havljarde sae " Membro an o IRU tari Makedonia thaj bizi notacija e anaveske - Zoran Dimov"!

Aso oficialno bičhavdo protokolo taro organizatoria sar egzamplo 15-to an i lista sine notirime o Membro e Romane jekhinake tari Polska - Stahorp Tankijevič, , sar 16-to o IRU Presidento Zoran Dimov, 20-ro Orhan Galjuš membro e romane jekhinake tari Holandia, 23-to Nortmund Rudević membro e romane jekhinake tari Latvia thaj avera.

Повеќе...

IRU Parlamentarno mitingo an o Beograd, Srbia taro 12 dži ko 14 oktomvri

Aso o informacie taro IRU Kabineto thaj andi decizia taro membria thaj IRU Presidiumo andi si definitivno decizia kote o ničalo beršeskoro Parlamentarno mitingo kote sar than si o Beograd - Srbija. O termino si 12-14 Oktomvri 2017 berš.

Aso anglutne havljarina thaj informacie vash i opcia sine nekobor dizja an i rolja te oven than e Parlamentarno mitingoske taro IRU , Maškar Viena, Bratislava, Budimpeštam Beograd thaj Skopje , o delegatora, membria thaj o IRU Presidiumo angja definitivno decizia kaj o than ka ovel o Beograd, Srbia.

Ko jekh pendžardi si angkutbne thaj i draft Agenda so ka oven dikusie an o Parlamentarno mitingo . Trujal o raporto taro Presidiumo thaj delegatora an o IRU thaj aniba decizie thaj deklaracie ka ovel organizirime thaj Romano biznis forumo thaj Historikano simpoziumo vash Holokasuti.

Повеќе...