Avdive ko akava dive notirinaja jekh forma dukhavdo than so dikhel pe panda, thaj nane šanse te ovel bisterdo.

O dukha si bare thaj hor. Neko vakerela kote o vakti sasljarel sa. Numa akava dive si specifično thaj but phare šaj te sasljarel pe.. O Dujto Avgusto an i historia e Romenge si data tari bibat thaj dukh, numa sa neve generacienge si mesažo kote ko avutnipa ma te iranel pe akava panda jekh drom.

U dukh si bari, numa na majbari taro Pandž šel mile Roma so sine žrtve, ko odova ratvalo periodo tari i kali romani historiakiri rig.

O IRU Presidento o Zoran Dimov akala diveso gelo an i vistita an i Polska ko notiriba e Holokasut diveseske 2-to Augusto ko notiriba e viktimenge Roma ko Holokausti. Ov ko 1 avgusti si an i Polska barabutne e delegaciaja taro IRU tari Polska o Gerard Linder thaj o Ratislav Luchanski 

Ko buteder divesebgiri visita an i Polska thaj visita e memroialno centronge sar so si Aušvic thaj avera. O IRU presidento ka ovrl le mitingo aver uče personencar tari Posko politikakiri scena thaj kotor e delegatorencar taro polsko parlamento thaj aver političaria.