ИРУ

Reakcia taro IRU dži ki Ambasada taro Montenegro an i R.Makedonia, sebepi o atako e terne Romane čhaveske an i Podgorica

I Prezidento tari Internacionalno Romani Unia - IRU, o Zoran Dimov avdive bičhavgja protestno nota - Reakcia dži ko Ambasadori e Republika Montenegro an i R.makedoni O.E. Predrag Mitrović, sebepi o incidenti so ulo akala divesa an i Podgorica , kana akana duj napendžarde persone kergje fizičko atako upral naidentifikujmo Romano čhavo.

An o video so sine distriburimie prekal socialno netvorko dikhela pe kote bizi karana fizički malteretirinen e terne čhave.

Повеќе...

Stivo Radul Balog, o prezidento taro IRU Parlamenti dengja bakšišia e čhavenge taro Apatin

O prezidenti taro IRU Parlamenti ple ofisea an o Viena, o Stivo Balog Radul ko vakti tari pli vizita an o Apatin vizitkergja o objektia tari anglosikljojbaskiri institucia "Pčele" an i romani mahala ko drom Patear Drapšin. Ko vakti tari oleskiri vizita e tikne čhavenge ov dengja len tikne bakšišia so ka šaj olencar te educirinen pe thaj te khelen.

O IRU kerel buti ko anava e Romenge an i sasti lumia, numa trujal odova thaj e aver minjoritetenge kaske trubul arka. Amari parola si kote savore siam jekh, nane rasno diferenca thaj diferenca an i aver funda, savore siem manuša.

Повеќе...

I prezidenti taro IRU Zoran Dimov ko dikhiba e hrvatsko prezidentea taro Parlamenti Zeljko Rajner

Ko nisani e diveseske 8-to April o Romano dive , o Prezidenti taro Internacionalno Unia - IRU Zoran Dimov si ki nekobordivesngiri bukajrni vizita e e Hrvatskake, Sloveniake, Ustriake, Germaniake thaj aver thema.

vdive ko Hrvatsko Parlamenti sebepi o dive e Romengoro sine le vizita thaj dikhiba e avgo manusea taro Hrvatsko Parlamenti Zeljko Rajner. Ko dikhiba e delegaciaja taro Roma sine o ministeri finansienge taro IRU Veli Husein thaj o romano deputati an i Hrvatsko parlamenti Veljko Kajtazi. Sine len konstruktivno dikhiba thaj dengje o plania tahja aktivitetia e IRUske sar stratesko targeti e lacharibaske e Romane situaciaeke an i Hrvatska.

Повеќе...

O IRU centralno manifestaciencar an o Maribor thaj London , sebepi o Kurko taro aktivitetia e 8-to Aprileske Internacionalno Romano dive

Ko pervazia e aktiviteteske sebepi Internacionalno dive e Romengoro 8-to Arpril, o legaripa taro IRU organizirinela nekobor interesno aktivitetia importantno karaktere baši integracia e Romenge. Odoleske o kabineti taro IRU e prezidentea Zoran Dimov an ani koordinacia e viceprezidentea taro IRU Jasmina Ahmetaj ki konekci e Etnografsko muzei taro khedipa Terne Roma 3-to drom seminari " O Romano statusi an i Slovenia" I čipota ka ovel an i Mariborsko pokrainsko muzei ko 11 aprili startea taro 11 o saati .

Повеќе...