O korkoro proklamirimo učo komesaro taro nalegalno IRU kongreso so si kerdo na o avgusto 2015 an i Riga - Lavia o Nortmud Rudovich, ko pire plania, ni kamel te ikavel taro piro šero i idea anavkerdi - Romane pasportia!
Kerel baro zori thaj presia odoja biznis idea te ovel dživdi. Bičhavel ko sa o riga prekal piro veb sajto informacie kobor si importantno i idea e romane pasporteske.
Del pe o pučipa,: " Šaj li o Roma so dživdinen an o diferentno thema, bizi piri them te ovel olen pasporto?"
O antvorto si sar so ov da korkoro notirinel : Našti, soske sako nacia jali them isi la piri teritoria thaj geografsko than pire simantrencar.
O paradokso si panda majbaro, kote an o piro veb sajto bičhavel informacia kaj o sasto "Kabineto taro IRU" teloikerel akaja idea vash o Romane pasportia.
So si o paradokso? Ko dende anava taro premal o Nortmund IRU departmantia bašo Romane Pasportia si o anava taro manuša so keren buti upral akaja idea. Dendo si o anav taro Nortmund Rudovič tari Latvia, o Stankijevič an i Poland, desavo Vladimir Gadžurovič tari Rusia, Aladar Adam Ukraina, Peto Grigoričenko tari Ukraina, thaj o paradokso o Florin Čoaba tari Romania.
*Oleskiri hohavin si so o notirimo manuš - Florin Čioba tari Romania si ex - prezidento an o IRU, thaj si mulo manuš! O Florin Čoaba mulo an o 18 augusto 2013 berš!
Akatar dikhel pe kaj o Nortmund kerel bari konfusia an o manuša. Korkoro proklamirime "učo komesaro" sikavel baro hohavipa.*
I decizia vaš o Romane pasportia andi si salde olestar thaj oleskoro paše "biznis partnero" o taksisti tari Polska Stanislav Stankijevič.
Trujal so kerel nalegalno IRU, o Nortmund sikavel kaj si bokhalo lovenge thaj kamel te bikinel "hovavne pasportia" bašo 100 eura!.
Oleskiri matematika si te denda 1000 romane pasportia ,odova si profito taro 100.000 eura! A bašo 10.000 bikime romane pasportia o profito si 1 milioni eura! Ano materiali te refundiringja 40%, oleske ačhol 60%.
Rajo Nortmund, o hovavipa si majbaro bezeh taro Devel! Ov dikhela sa !
