I TV Press tari Slovakia sikavgja artiklo taro 13 beršengiri čhaj so rovela em našlja tari institucia so si čhave bizo jeria, soske darandili kaj o legarutne ka legaren la ki psihijatria ssar so kergje anglutne olakere phraleske.

O anav e čhijakoro si Zuzana. Fakti sine kaj olate čače mangle te legaren ki odoja institucia soske verbalno kergja čćhingar e direktorka tari odoja institucia, trujal so palo odova oj jertisargja pe olake.

Sar so vakerel i Zuzana but čhave si lende tari odoja institucia em legarde ki psihijatria , a o majterno olendar si le salde 7 berša . O čahve si telal terapia taro psihijatrisko medikamentoa so trubul te len len em kana ka iranen len napalal ki institucia

I televizia so kergja intervju e Zuzanaja palo odova kergja rodaripa te dikhel so si o čačutno problemi ki olengiri reportaža. I notacia tari Zuzana vakergje em javer čhave so sine anglutne odothe akomodime ki odoja institucia.

Aso i reportaža pobuter taro deš čhave taro odova Centro čhavenge em familienge ko Svidnik sine legarde ki psihijatarsko hospitali ko Hranj. Ola sine ko barpa taro 7 dži ko 17 berša thaj sine telal zorali psihijatarsko terapia taro medikamentoia so lena sine em kana ikljon sine peske odothar.

O direktori e Centroskoro Ljubomir Sluka vakerela kaj pobuter taro čhave si len mentalno problemoa . O žurnalistoa konstatiringje lak nane lačhe so ki psihijatria legaren but tikne čhaven so o majterno čhavo lela zorali psihijatarsko terapia medikamentia a si le salde 7 berša.
Link: http://www.romea.cz/en/news/world/slovakia-dozens-of-children-from-orphanage-ending-up-in-psychiatric-care-is-it-a-business

Ko socialno mediumia sine editirime video so aso o editiriba akava akti ulo ko 25 Aprilo 2019 berš ki romansko diz Zalau so si 550 km north tari šerutni romansko diz o Bukurešt.

Ko video kerdo tari rog jekeh personatar so sine ko odova busi thaj si lungo paše 15 sekundia dikhen pe šokantno insertia kote o šoferi ebudeskoro laštea tari metla kerel atako upral jekh Romani džuvli so ikerel tikne čhave ki pi angali.

Ko video dikhela pe sar o šoferi khuvela e Romnja, oj kerel sa ma te ovel khuvdi thaj plastično falašaja braninela pe olestar em ikerel e čhave ko vasta ma te perel.

Ko jekh momento o video sikavela jekh zoralo khujba kote so phagel pe i kaštunali račka numa o šoferi majodorig khuvela e Romnja. Ko video dikhela pe kaj ni jekh taro persone so si ko pašipa, na uštilo niko te čhinavel akava atako upral i Romni.

Aso okola persone so dikhle akava ni jekh nažanen sine soske thaj so si o faktori so ulo akava incidenti. Jekh lokalno gazeta prelelja akava video thaj editiringja le ki pli informacia so dikhle le savore.

Palo akava incidenti na sine dende nisave informacie kaj akava si prijavime ki policia jali ko teelfoni urgentno akciake ko 112.

Premal o nevo kriseskoro kanoni kana ka kerel neko terori, atako e policiakere bukjarne šak aso olengere profesionalno ingerencie te den akti akale fakteske, ko than odova te kerel personalno i atakujmi persona.

Link: https://zalau24.ro/femeie-cu-bebelus-in-brate-lovita-cu-bestialitate-in-autogara-din-zalau-totul-s-a-intamplat-sub-privirile-uimite-ale-pasagerilor-unui-microbuz-video/?fbclid=IwAR0vL6tP7694VsjWO8pTJ7yQEuQeBg0ptYHqsLs2fOQrHRiTK1ofskcQEus

Video -