O lokalno legaripa tari čehiakiri diz Vsetin na manglja avrikriseskiri konkluzia e eks romane stanaria taro apartmania so arakhen pe sine ko centralno kotor e dizjake , thaj kamel akava akti te avel i decizia o kriso. O lokalno legaripa ko Vsetin dislociringje e romane stanaren taro akala objektia ko 2006 berš.

O krisi kerel aktiviteti e aktea taro 2008 berš. Akana sig frdingje akava faisali tari rig e lokalno legaripaske.

Ko 2006 berš e dizjakoro khidipa kingja purane khera ko reoni Jaseniki thaj čhivcgja kotor taro Roma te keren 20 beršengiri renta odole kherenge te šaj ko agor te kinen olen.

Panda 40 romane familie sine dislocirime ki periferia thaj akomodime ko apartmania so sine kerde sar kontejneria.

O dislocirime familie so sine dislocirime ko odola regionia taro Jaseniki thaj Prosteov, sine čhivde te kinen o jekhvaš purane khera ko odola dur gava. Trin familie sine dislocirime ko asavke purane khera ko gava Stara Červena voda, Vidnava thaj Vlčice.

Link: http://www.romea.cz/en/news/czech/czech-town-refuses-to-settle-out-of-court-with-roma-whom-they-forcibly-relocated-13-years-ago

Bibahtake palem ko čehiakoro interneti iklile hohavne kampanje sar egzamplo so si jekh akana aktuelno kote vakerel pe kaj i diz Jablonec nad Nisou ki kolaboracia e dizjakere transportoa angja nevi forma tiketoas ko transporto sald e Romenge ko regioni tari Zeleno Uddoli.

Trujal so akaja hohavni kampanja si purani. palem si editirimi ko socialno netvorko thaj kergja negativno reakcie.

Jekh socialno bukjarno taro Jablonec nad Nisou so dengja propozalo te arakhel pe transporto dži ki škola ko jevendaskoro periodo e čhavenge taro socialno risiko ko kvarti Zeleni Uddoli so si 1.5 km avrial taro centro e dizjake thaj isi majbut Roma.

O čhave taro odova kvarti džana ki škola prekal lokalno drumo so nane len ni trotoaria thaj ko jevend si but phareste te nakhavel pe , sine organizirime transporto.

Akaja idea si promovirime panda 2011 berš sar pilot proekti. I moldi si trin masekongoro tiketo ko than 44 eura te pukjinen o jeria 10 eura.

Link: http://www.romea.cz/en/news/czech/antigypsyist-hoax-returns-to-czech-internet-alleging-that-roma-get-free-public-transportation