O Baftijari akcentirinela kaj čačutni inkluzia našti te ovel te na reslja pe o momenti kana ko jekh zgrada ka dživdinen Crnogorcia, Srblie Roma em te dživdinen ko jekh drom ili bulevari.

Ko Montenegro o apartmania e Romenge thaj Egipkjanenge na trubul sine te oven kerde ko thana so si pendžarde sar geto thaj ko thana kote so si pendžardo kaj dživdinel akaja jekhin vakergja o koordinatori e proektenge tari Romani organizacia „ Phiren amenca”, Serdžan Bahtijari.

Ko Montenegro klar dikhela pe i antiromani historikani diskriminacia so reflektirinel pe prekal stigmatizacia , vakerel o Baftijari.
Ov vakergja kaj ko Montenegro i them so si multietnikani thaj multikulturakiri si fakti kaj ko 21 veko trubul te arakhel pe sakone ske respekto em manušikano dajanpia so majodorig na kerel pe prekal o Roma.

Trujal so kerel pe mariba mujal i diskriminacia o kestremno nacionalistikane demonstarantia em o rasitoa thaj i natolerancia mujal o Roma si but bari ko buteder thema tari Europakiri Unia a majbut ko odola thema kote o nuemro e Romane populaciake si but bare , thaj okola thema so si len ekonomikani kriza.
O političaria thaj aver institucie sar te bistren te bičahven jertisar dži ko publikumi.
Aver rigatar o aver thema so si ki Europakiri Unia keren panda majnegativno percepcia ko stereotipoa upral o Roma palo zorale diskusie aso o tromaslipa taro phiriba em socialno niamia.
Sar konsekvenca odolestar ko desave thema so si membria an i EU o majabro procento dizutne si len negativno sensi mujal o Roma (IT: 85 %, FR: 66 %, EL: 53 %, UK: 50 %).
Ko desave aktia o nivelo tari natolerancia mujal o Roma barilo soske nan pakjibv maškar o Roma em o aver dizutne odole themndar so i them sikaven nakapaciteto te vazdel i gind ki maškar pakjiv thaj integracia e Romenge.