Antigypsyism

Slovakia: O ultranacionalistia keren zori kote baši tragedia te bajraren o tenzie maškar o Roma thaj o na-Roma

O brutalno mudaripa so ulo persi savato an i slovakiakiri diz Dobšina kote sar šubikerdo si jekhj 22 beršengoro Rom , si faktori so akala divesa khedingeje membria tari Fašsitikani partia Marijan Kotleba - Nacionalističko Partia "Amari Slovakia" (ЅСНС). Ko jekh o šubikerdo akana si ko phanlipa.

Ko jekh o terno šubikerdo Rom akana šaj te ovel phanlo 20 berša phanlipa. O sasto akti sine ko jekh restorani an i diz ko regiono Rožnjava.

O terno si šubikerdo kaj kergja atako upral desavo Slovako anglal o restorani kote khuvgja le kaštunale palkaja, kote palo odova ov mulo. Nesave mediumia informirinena sine kaj ola o duj džene sine amala, a avera vakeren kaj o viktimi na sine amal thaj sa odova ulo incidentno.

O šubikerdo ka ovel an o pritvro (phanlipa) sa vakti kana ka ikerel pe kriso upral oleste. O memvria tari i Partia Kotleba kerena zori akaja tragedia te bajraren o temzie .

O ekstrmistoa te šaj ovel panda majbilačhi atmosfera maškar o lokalno etnikane Slovakia thaj Roma . " O Roma darana thaj akana isi notacie kaj kamen te dislocirinen pe odothare" vakergja paše familia e terne Romeske so muadrgja inače lokalno Rom taro odova than.

Link: http://www.romea.cz/en/news/world/slovakia-ultra-right-tries-to-exploit-tragedy-raise-tensions-between-non-roma-and-roma

Bugaria - Protesti e Romenge mujal rasismo thaj antiromani hoš!

Palo šovto drom akava berš o Roma tari Bugaria demonstriringje na salde an i Sofiam numa thaj an o Den Hag thaj Brisel mujal antiromano thaj rasistikano politika mujal o Roma an i Bugaria.

Salde an o Den Hag paše 500 Roma lele than! Ola si majangklal mujal "Plano baši integracia taro nasocializirime Roma" so e bugariakoro govermenti si le mangin te implementirinel sar kotor tari EU strategia an i konkluzia e Romenge.

O rasistikano plani konketirinela kaj trubul obligaciono "o socialno efektia" e perosnenge so si upreder 16 berša "naeducirime thaj bibukjakere Roma" te oven dende an anavkerde "Centro bukajke" thaj te tiknjaren o socialno benefitia e Romenge bizi buti jali te na bičhavena sine pire čhaven an i škola.

Trujal odova " o volontersko sekjuriti jekhina" trubul te keren kontrola ko reonia kote majbut dživdinena Roma !

Link: https://www.newepoch.media/single-post/2019/03/15/BULGARIA---Roma-protest-against-racism-and-antiziganism?fbclid=IwAR20sFSJNFN-URcFDCdOtZKh2q7E7Zbr1JUzX23fnl3WuUu9_ewhc8wYOAI

O Hitler te viktoririnel sine, agjaar ka ovel sine i šerutni nacistikani diz an i lumia

O proekti startujngja taro 1937 berš . Sine kerdi bari makera, a saste kotora taro Berlin sine chidime, a ko jekh vakti sine planirime o holokausti. O Hitler i vizia pire nacistikane distopia dengja anav "Welthauptstadt Germania" thaj trubul sine an i teoria te ovel finiširime an o 1950 berš.

O Šper inspresioniringja e Hitlere pire bukjaja an o Nirnberg kote mangutne reinterpetiringja i klasično arhitektura an o masivno than but nacistikane objektia formirime te daravkeren thaj te bajraren o takati.

I idea taro Šper thaj o Hitler sine te len sa o monumentalno barebine , bulevaria jali skulpture so i Europa sine la thaj te keren kopie , numa nekobor droma majbare olendar. Pobuter taro odola skulptire thaj objektia ka oven sine locirime truja 7 kilometria lungo bulevari so ka ilustririnel o baripa thaj o takati e nacistikane Germaniake.

Ko utar bi ovela i Triumfalno Prota sar okoja an o Parizi, numa šov droma majbari. Ko purab e bulevareske ka ovel phravdi livada thaj baro parko kote so ka ikeren pe o parade.

Link: https://tocka.com.mk/vesti/289516/ako-pobedel-hitler-vaka-bi-izgledal-glavniot-nacisticki-grad-na-svetot

https://www.youtube.com/watch?time_continue=960&v=dOXmrVR00RI

E Romenge, viktimia tari toksikacia, trubul te pukjinel pe lenge lovengiri kompenzacia

O specialno reporteri taro UN bašo kotksično materie, Baškut Tunčak, vakergja kaj e Kosovakere Roma sine čhivde an i toksikacia taro plumbumi - olovo, ko vakti kana dživdinen sine an o kampia taro UN bašo migrantoa , so sine an o pašiba e rudarsko kompleksoske Trepča an i Mitrovica thaj trubul te pukjinel pe lenge lovengiri kompenzacia.

„Paše 1000 Roma, Aškalie thaj Egipkjania , maškar 1999 thaj 2013 berš sine thanjarde an o kampoa tamikerde an i teritoria kote so džanel pe sine kaj si kontaminirime plumbumea - olovea.

Jekvaš olendar sine čhave majtikne taro 14 berša" vakerel pe an i vaktabin taro Tunčak, havljarde palo mitingo e romane familiencar so sine viktimia an i toksikacia taro plumbum - olovo.

E konsiliarno ofiso manušikane niamenge an o UN , an o 2016 berš zojarakjergja kaj akaja organizacia si džovaplime akale viktimenge thaj dengja propozalo dji ko UN te pukjinel lenge lovengiri kompenzacia.
Numa o UN na mangena te len i akcepcia kaj si ola džovaplime thaj na mangen te pukjinen lovengiri kompenzacia e viktimenge tari toksikacia.

Ko than odoleske ola angje decizia te keren fondi bašo finasisirba sar "proekt asistencia" prekal i romani jekhin te ove suportime saste. Dji akana akava fondi na lelja nisave love.

Link: https://prizma.mk/na-romite-zhrtvi-na-truene-treba-da-im-se-isplati-otshteta/

 

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali