Antigypsyism

Slovakia: O Roma ko desave gava na mukhen len ko khangira

Ko gav Paščovski Nova Ves , o Roma trujal so si katolikia na troman te džan ki lokalno khangiri. Nane lenge mukhle te aven ko mise barabutne e aver manušencar taro odova gav.

Ki mangin jekh taro opatia odole khangirake te iranel odova sine atakujme a oleskoro vordon em zijankerdo.
–Nikana na sine amenge vakerdo kaj amen da šaj khuvaja ki odoja khabngiri. Amare mise sako drom kera len sine avrial tari khangiri , a kana sine biršima khuva sine ko khera, Odothe kheda amen sine em po 70 -80 džene Roma – vakerel o Andrej Červenjak, gaveskoro starešina.

Akate o Roma kergje jekh kapela lovencar tari Germania. Ko savato ko than ko kurko avela lenge o opati o Miroslav Turčik. Ola aven akate tari ladž kaj ola si ćorole em ma te oven diskriminirime, vakerel o Miroslav.

Ko pašipa e gaveske Šariške Jastrebje o opati akahrel sine e Romen ki kurkeskiri misa, ama odova na agorkergja šukaripaja. O gavutne buningje pe akaleske em mujal o Roma em kergje zijani ko opateskoro vordon. O gavutne vakeren kaj si „alergično“ ko Roma.

–Vakeren kaj o Roma na lele than kana kergja pe I khangiri em nae len niami te khuven olende.
Ama me sium optimisti kaj ko avutnipe akava hulaviba nane te ovel em nane te keren pe odola diferencie maškar o manuša, akcentiringja o Andrej Červenjak.

Link: http://www.portal-udar.net/u-slovackim-selima-romi-iskljuceni-iz-crkve/

I Policia si kontra taro deiba globe ko kampia e Romenge thaj Travelsia , sikavel o rodaripa taro FFT

Propozalia so si taro kriminaliziriba e nalaegalno kamponge taro Roma em Travelsia avena kana e policiakere dende propozaloa te keren pe majbut riga so ka oven akcepririme te faisalkerel pe I situacia.

O sekretaro andrune bukjenge Priti Patel akava masek havljargja o planoa te peraven pe sa o nelagalno kampoa kote ka definirinel len sar phagibaskoro akti.

Numa o antvortia tari policia prekal kerde konsulatcie so startujngje persi berš te ikljon ko agor asavek kamponcar , sikavel kaj isi oportunistikane takatia akale aktea.

Olengere dende dekretoa so resle tari NGO Amala , familia thaj Travelsia – FFT aso o kanonia taro tromalipa informacienge (PVI ) sikavela kaj 75% taro policiakere antvoria sikaven kaj olengere ingerencie si lačhe.

Trujal odova 84% na suportingje akale kriminalno aktia taro kampoa, a 65% vakergje kaj o nane arakhle lokacie si o čačutno problem.

Link: https://www.theguardian.com/world/2019/nov/14/police-oppose-traveller-and-gypsy-camp-crackdown-foi-shows?CMP=share_btn_tw

Integririmi romani familia deportirime ki maškar rakj

Ki maškar rakj o štar dženengiri romani familia Islamovski sine deportirime ki Repubilka Utarali makedonia . O paše amala rodena olengoro iraniva soske I familia si lačheste integririme ko germansko sasoitnipa.

Akaja romani familia avili ki Germania ko 2015 berš sebepi presie upral olende em sine akomdime ko haemi ko Vichwasen , thaj palo odova ko Unterturheim. “ Jekh berš dživdinen sine ko apartmani taro tavano ko kher ko Rencviesen em sine super integririme. Gindingja pe kaj resle sukcesiale, vakern o Mobili. Numa sa odova agorkergja taro jekh drom ko 27 septembro ko trin o časo javinate kana o Jeria , o kemaili em oleskiri dešberšengiri phen I Gjultena sine džangavde tari vika. O policajcoa sine anglal o udara.

Trujal so sine lenge vakerdo kaj jekh membro tari familia si hospitalizirime angleder desave divesa sebepi infarkt e familia sine la salde jekh časo vakti te khedel piri dokumentacia. Ko 4.15 o saatisine hulavde deportirime ko aeroporto ko Baden –Baden – hulavde ko duj vordona.

O paše amala sine revoltirime soske I familia sine lačheste integririme ko sasoitnipa. O jeria keren sine buti ko jekh khorano supermarket em keren sine buti kaj so bešena pašeste. I daj kerel sine super germansko lafi , a džanela sine em albansko, makedonsko, srpsko em khižorane - so del la sine suporto dok sine ko supermarket ki buti. But droma em lena len sine te keren transplacia e aver asilantenge kana trubul sine bašpi medicina jali administrativno bukjenge.

Akana si ki diz resen ki paše familia, em keren buti ko plantaže khedena phabaja sasto dive bašo 20 eura ko dive..

Olengere paše amala tari germania khedingje peticia em bičhavge dži ko kriso rodaripa te iranen pe naplala. Odothe urgirinen em o gazda taro supermarketi, o Centro taro FiZ kaj so sine aktivno volonterski em i škola kaj so džala sine o kemaili em oleskiri phen i Gjultena.


Link: https://www.stuttgarter-nachrichten.de/inhalt.fluechtlinge-in-stuttgart-wangen-abschiebung-in-der-nacht.bb033d2c-5d3c-49de-a8ab-703486d3aaac.html?fbclid=IwAR1Mub6qAonUoNH-FlcRWgIYIChkSyf2Scg7m0Vp3hMK2trWDqXqbgMX1dY

Romano holokasuto: Ko vakti sa pobari natolerancia, te lipara e “bisterde” viktimen

O nevo artikano performansi ko London konektirinel em bilačhe nacistikane directive e tasdivia taro kerde tgferoria upral minjoritetia sar sar so si o Roma thaj o Sinti.

I Margaret Kraus sine tinejdžerka ko 1943 berš kana sine deprotirimi taro olakoror kher ki teganutni Čehoslovakia ko Aušvic.
Kana sine phanli ko konc logoro upral olate sine kerde ekstremno terori em sine čhivdi ko medicinakere eksperimentoa.

Oj ačhili dživdi ko holokausti , olakere jeria na.

Ola sine odola maškar 250.000 dži 500.000 Roma thaj Sintia - maškar 25 em 50% tari sasti populacia sar minjoriteto ki Europa ko vakti kana sine elminirime taro nacistia em olengere patronia ko vakti taro dujto lumiakoro mariba.

I storia taro Kraus si sikavdi ko nevo artikano performansi ki londonsko libroteka Viner – Holokaust

Link: https://www.aljazeera.com/indepth/features/roma-holocaust-rising-hate-forgotten-victims-remembered-191029173851099.html?fbclid=IwAR1qe298n4cuHORAJS6G2Goe-o8AnjQrS63HuuXR7VoEZrYLPTJ7q2ZR6no

FaLang translation system by Faboba

Mangava te vakerav

Momentalno Online

       Isi 204 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali