Prerov, Čehia: O incidenti ko masek juli maškar romane thaj ukrainsko terne čhavev sine verbalno bizi šastra, i policia dengja le ki došperavipaskiri komisia
I policia akava akti dengja le ko ofisoa e dizjake ki birokratsko pprocedura te šaj keren akti akale kotoreske. O incidenti k odva vakti kergja tenzie ki diz em pherdo roma lokalno dizutne ale ko policiakoro stasioni te protestirinen akale akteske.
I policia ko jekh lelja aktiviteto em soske buvljaren pe sine hohavne informacie taro lokalnoi dizutne ko social netvorko . O konflikti maskar akala duj tikne grupe sine ko lokalno ploštadi ki diz Prerov ko 10 juli.
O rodaripa sikavgja kaj akava incidenti primal I polcia nane serioozno em phanlja akava akti em dengja salde akti sar verbalno teleperaviba o sadživdipa maškar o manuša. „Akale akteske kergja pe rodaria em operacia upral notirimo akti em akana si kategoririzirime sar došperavipaskoro akti sar civilnikano sadživdipa.
Konstatirime si kaj duj tikne grupe maškar peste verbalno kergje atako. Nane zojrakerdo sar so vakerena neko kaj sine istemalkerdo em šastra , jail čhurika. Sa o faktia akale akteske sine evidentirime em o materiali si bičhavdo ko administrativno ofisi ki diz Prerov so ka kerel buti akale aktrea prekal olakere kanonia” editirime sine tari Zajicova ki web rig tariu policija akala divesa.
