Antigypsyism

Artikano performansi “ Romni” tari Quesак Leonard

O fotografo Quesак Leonard si biamo ko Paris 1909 , a mulo ko L'Eskala 1994

Oakava hramosardo em fotografsko dokumento taro oleskoro dživdipa em piro vakti trujal I percepcia e Romane džuvljake, so ka posavel o vilo tari visitor, keribaja universumo e hiper – realistikano lačhipa. So desavo drom si irame sar nevino a aver rigatar but surovo čačipa em drama.

Akava obejktivno alhemičaro si le talenta te thanjarel e dikhutne ko stejdži te ovel sar sasto kotor em te ovel le ilustarcia anglal o jakha.

Ov prandingja pe e Rosaria Amaja, oleskiri muza, oleskiri thagarutni . thaj daj oleskere čhavenge. Oj sine katalonsko Romani , a ov čhavo tari francusko familia.

Akaja sotoria olengere kamlipaske sikavela kaj desavo “aver” ko dendo egzamplo Romani ko vene thavdela jekh a jekh rat.

Oj ko leskere jakha si Thagarutni

Link:

 

 

 

 

 

Austria: Ko avdisutno dive 1944 berš 800 romane čhave sine likvidirime taro gasi ko Aušvic

Ko vakti taro holokausto , na sine salde o jaudie so sine viktimia anglal o nacistoa, trujal so ola sine targeti taro rasizmo em likvidacia taro Germancioa em olengere sojuznikoa ko vakti taro Dujto lumiakoro mariba . O Roma da sine diskriminirime em terorizirime ko vakti taro Hitleri em oleskoro paše manuša,

O nacistoa ko olengoro logoro ko Aušvic khedingje 800 romane čhaven maškar so upreder olendar 100 sine bare taro 9-14 berša ko akava dive. Sar mukhle te ovel akava?

O Roma na kamen sine e naciston. Defincia so si Rom e nacistonge sine but droma ilustririme sar so si o Jaudie ko rastikane liste taro Trinto rajho . Panda ko 1937 berš , o grupa Roma sine targeti an i Germania.

O Germancia na kergje ni hari te garaven akala ple mudaripaskere planoa.

Ko 1937 berš o d-r Robert Riter rasisto prekal medicinakoro diploma dengja presentacia ko Pariz odoleske savi si I rasno definicia e Romenge ko Rajho em ov e Romen dikhel sine sar “ asocialno”.

Ko decembro 1937 berš o Hajnrih Himler dengja dekreto te phanen pe manuša , na bašo kerde krisoskere aktoa , numa salde so si “asocialno”

Link: https://sofrep.com/specialoperations/day-1944-800-gypsy-children-gassed-auschwitz/?&utm_source=facebook&utm_medium=social-media&utm_campaign=addtoany&fbclid=IwAR0X_wTnkyRXtFB0p0F4sOHIEv10FTcWYvy4dtlJGkP5WWOzrWP4_jaXWao

O logoro Auschwitz

O logoro Aušvic - Bireknau  (Auschwitz -Birkenau)  sine majbaro nacistikano konc logori baši masovno eliminacia e manušenge.

Arakhela pe ko south tari Polska . 50 km paščimale tari diz Krakov em 286 km tari Varšava.

O anav reslja le premal o diz Osveta (Garazi) so an i germanski čhib si Auschwitz.

Pali germansko okupacia e Polskake ko septembro 1939 berš i Osveta sine akceptirimi sar germansko teritoria thaj o anav sine irame ko Auschwitz

Ko akava konc logori sine deportirime 1,3 milionia manuša tari sasti Europa.

Majbaro kotor taro viktimia sine mudarde kana resen sine ko logori ko komore bašo plini ko Auschwitz II čhijbaja o cikloni B plini.

O aver mule taro sistemsko bokh, phari buti, egzekucia thaj medicinsko eksperimentia Mašak o mudarde sine em 19.000 Roma so sine mudarde ko juli 1944 berš.

O šerutno e logoreske Rudolf Hes ko krisiba ko Ninberg vakergja kaj ko Auschwitz sine mudarde paše 2.5 milionia manuša.

UNESCO  akava kampi ko 1979 berš notoringja le sar kulturno lumiakoro akto telal anav “Auschwitz-Birkenau –  germansko nacistikano konc logori mudaripaske"

O logoro si tromaldo tari rig e 322 divizia tari Rusko Armia ko 27 januari 1945, Ko logori sine arakhle 348.820 muršane odlea em 836.255 džuvlane so sine e viktimengere.

O dive taro tromalipa taro Aušvic o 27 januari si notirime em sar "Internacionalno dive ki memoria e viktimenge taro Holokausto".

Trujal i historia taro logoria - Logori Sajmište

Ko vakti tari okupacia trujal 8.000 Jaudie em 32.000 sine zadušime, strelime ko Jajnicia jali mule ko korkoro logori. O logori sine aktivno taro oktomvri 1941 dži ko juli 1944 berš.

O jekhto logorašia sine Jaudie taro Beograd so 8 thaj 13 dekemvri 1941 sine legarde a olemgoro numero sine 5.281. Anibaja e Jaudien tari Banjica, Šabac, Niš, Kosovska Mitrovica, Novi Pazar , Raška , našuthen taro Beograd em maškarutni Europa, o numero taro logorašia ko periodi maškar 8 dekemvri 1941 em dži ko agor e masekoske april 1942 reslje 7.000 kotar so 6.400 sine Jaudie a 600 Roma.

Inače o jevend 1941/1942 sine jekh taro majšudre, Maškar o dekemvri em mart, 500 logorašia mule taro šudro , nasvalipa em bokh.

Ko pavilioni no 4 arakhel pe sine i kujna kote so kerel pe sine o hajbe. Ko dive o obroko sine sar pani, sano čaj, bajato čorba tari armin ili kompiria em hari mumurezeskoro maro.
O eliminiriba taro logorašia kerel pe sine ko phravdo than maškar o pavilionia no 3 i4.

O Roma ko logoria sine ande ko dekemvri 1941 berš sar grupa taro 500 Romnja čhavencar. Ola sine čhivde ko pavilioni no 2 . Olendar 60 mule ko vakti taro jevend taro šudro em nasvalipa.

O aver kotor sine tromaldo ko periodi jauari - mart 1942 berš soske prekal pire amala em paše familia resle te sikaven dokumenti kaj ola bešen ko Beograd, thaj nane sar roma nomadia - bizi adresa. I agorutni grupa Roma sine mukhlo taro logori ko april 1942 berš.

 

 

 

 

FaLang translation system by Faboba

Mangava te vakerav

Momentalno Online

       Isi 325 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali