Antigypsyism

Bašo duj divesa, trin atakoa upral o Roma an o Leskovac, astarde 7 persone!

Grupa taro paše 50 persone palkencar, sastrna thaj čhurika kergje atako upral Roma an o romane mahale an o Podvorce an o Leskovac, vakeren o Roma tari akaja mahala. Aso olende odola atakia ule an o savato thaj kurko rakjate.

Aso o svedokia akale aktenge majanglal akaja grupa kergje atako upral o Roma tari romani mahala Saat Mahala ko savota thaj odova sine kerdilo palem ko kurko paše an o 21 o časo ko mahale Podvorce thaj Slavko Zlatanović.

Trin Roma sine atakujme thaj ratvarde tari rig odole grupake an o centro e dizjake anglal o hotelo "Beograd". Jekh olendar sine hospitalizirme thaj ikerdo na o Hospitalo ko Leskovac, vakerel jekh taro svedokia.

O membroa e Romengere taro Podvorce rodingje tari i policia te keren sa o angažmania te šaj čhinaven pe akala atakia thaj sa okola so kergje akava te sankcionirinen pe thaj te ovel vazdime upral olende krisoskere procesoia.

Aso i policia taro Leskovac notirime si duj aktia bašo atakia upral o Roma , thaj astarde em phanle 7 persone so si tikneberšengere.

An i dendi vaktavin si notirime kaj ko atako aso o kerde notacie a si kerdo ko kurko rakjate ko školsko avlin kana 5 tetrne Roma khele sine basketbal ko vakti kana avili jekh majbari grupa terne em margje olen. Ko dujto atako sine kerdo upral aver 5 terne Roma anglal jekh hoteli kote than lele bari grupa huligania.

Sebepi faktori kaj šaj odoja grupa kergja akala atakia i policia astargja efta tikneberđengere persone , vakerel pe an i policiakir informacia dži ko mediumia.

Link: https://www.telegraf.rs/vesti/srbija/3060109-u-dva-dana-3-napada-na-rome-u-leskovcu-nasrnuli-na-njih-palicima-i-nozevima-troje-ljudi-povredjeno-video

Youtube: https://www.youtube.com/watch?time_continue=1&v=E2M3A88Gatg

 

Irska: Džo Lougene notirinela i anti - romani retorika ko avipa taro lokalno alusariba

Akava si ando akti e manušenge anglal o profito an o Galwey City taro kandidato o Džo Lougene. Ov vakergja kaj ko agorutne nekobor kurke sine "but komentaria" baši situacia e thaneske Fana Glas an o Baliban thaj o numero taro Karavania so dislociringje pe ko odola thana.

Ov vakergja kaj o konsiliaria na resle te arakhen akomodacia e Travelsenge an o Galawey trujal so o love sine an i opcia taro Govermento te šaj kerel pe akomodaciae Travellsenge.

"Akava kergja seriozno problemo taro than baši akomodacia e Travellesenge an o Galawey thaj kergja but hari plazi an o odola lokacie thaj o familie parkirinen sine pire karavania trujal o droma so si anavkerdo sar Fana Glas", vakerel o Lougene.

"Ko than te targetirinen e Travellsen em olengere familien so nane len aver than akomodaciake o konsiliaria trubul te fokusirinen pe an o odova te den love odothe te keren pe neve kulturno lokacie akomodaciake".


Link: https://www.advertiser.ie/galway/article/107393/loughnane-warns-of-anti-traveller-prejudice-in-run-up-to-local-elections

O Italiansko ekstremistia mujal jekh Romani džuvli retorikaja: "Kama te dikha len humlavde thaj tharde"

Fotografie so si editirime ko desave italiakere mediumia kergje bari holi sar an i Italia thaj buvleste.

Ko teksti so si hramosardo an i informacia kaj an o than anavekredo sar Kasal Brusiato an o Rim sine zorale protestoia so sine kerde mujal jekh Romani džuvli barabutne pire tikne čhavea. O ekstremno nacionalistoa an i Italia legarde zorale atakoncar resarinaja te ikaven la taro apartmano e Romnja pire čhavea so sine lake dendo taro socialno angleder desave divesa.

Jekh taro pučiba so sine dendo ko vakti taro protestoa sine akava da: " Trubul li te džangava e Musolini taro limoria?", a jekh taro nacionalistia so sine an o protesto vakergja: " Ka ovel šukare te kera odova"

An o akala protestoa šungje pe but bilačhe čhingja thaj akušiba em neko rodel sine te kerel pe seksualno atako e Romane džuvljake thaj palo odova te humlaven ola thaj te tharen ola. I policia trubul sine te kerel zorali reakcia te šaj kurtalinen e daja e čhavea thaj legargje la ki napendžardi lokacia.

Utsavakeriba e masekoske taro Roma thaj Travelsia

O masek e Romengoro thaj Travelsia utsavalkerel pe ko diferentno forme kote o jekhina taro Roma thaj Travelsia bajraren i energia dživdipaske an i Britania thaj prependžarena diferentno sukcesia so akala jekhina kergje o Britansko sasoitnipa an i historia thaj avdive.

Taro 2008 berš o GRTHM utsavakerel pe an i sasti Britania ko thavdipa e masekoske Juni. O GRTHM hulaven thaj sikavena i historia , kultura, i čhib e dromarutnenge thaj e Romane jekhinake thaj avera asavke minjoritetno jekhina.

Prekal i notacia, utsavalkeripa, edukacia thaj vazdiba i gind taro GRTHM dela suporto te ikljoven an o agor e segregacijaja, keriba mit thaj vazdiba o vote ko Roma thaj o Travelsia ko buvle sasoitnipa.

Škole, libroteke thaj muzeia an i sasti Britania sako berš den suporto e GRTHM, arakhela aktivitetoa thaj informacia so den suporto e targeteske so keren stereotipia thaj suporto an i kohezia an i jekhin.

Italiansko ekstremistoa taro nacionalistia mujal jekh Romani džuvli vakergje: " Kama te dikha savoren humlavde thaj tharde"

Fotografie so sine editirime taro nesave italiansko mediumia vazdingje i gind maškar o manuša sar an i Italia thaj buvleste,

Ko teksti majodoriga si hramosardo kaj an o than Kasal Brusiato an o Rim sine bare kerde protestoa so sine kerde mujal jekh Romani džuvli barabutne pire tikne čhavorea. Ekstremno italiansko nacionalistoa so kergje akava akto manginaja te dislocirinen - preselinen e daja pire čhavea taro socialno apartmano so sine lake dendo angleder desave divesa.

Jekh taro notacie so sine dendo sar pučiba ko vakti taro akala bilačhe protestoa sine: “ Trubul li te džangava e Musolini taro limora?" vso jekh taro protestantia vakergja: "Nane te ovel bilačhe te kera odova"

An o akala protestoa šingje pe but bilačhe čhingara, akušiba thaj neko rodel sine te keren seksualno atako e dijake, a palo odova te humlaven ola thaj te tharen ola. I policia interveniringja te šaj kurtalinel e daja e čhavea thaj legargje la ko napendžardo than - lokacia.

Link: https://www.gypsy-traveller.org/heritage/celebrating-gypsy-roma-and-traveller-history-month/

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali