Antigypsyism

O lipar taro Roma thaj Sintia tari Europa so sine mudarde an o nacional socializmo khuvgje an i programa bašo oficialno visite

Taro 1 maj 2019 berš o Lipar taro Roma thaj Sinti viktimia taro nacionalsocializmo tari rig e Federalno ofisoske bašo medie konketirinen pe oficialno programe bašo visite. Ko avutnipe o grupe tari visitoria ka ovel olen šajdipa te keren visita sar kotor tari oficialno programa.

Pali i inicijativa taro vice ofisora i Filis Polat tari Unia 90 / Grüne, ko agor persi beršeske sikavgja mangin ko agorutno mitingo taro Konsileskoro Komiteto ko pučiba e germansko Sinti thaj Roma mujal o komesaro baši reintegracia thaj naicionalno minjoritetoa o Bernd Fabricius akava numero akana te ovel implementirime.

O lipar taro Sinti thaj o Roma viktimia an o nacionalsocializmi si lipar so arakhel pe an o Simsonweg an o Tiergarten ko Berlin utarale taro Rajhstago. Ov si lipardo telel o anav sar Porajmos, nacistikano genocido upral o Roma kote si notirime kaj si mudarde paše 500.000 viktimia, murša, džuvlja thaj čhave.

O lipar si kerdo taro umetniko o Dani Caravan thaj isi sar fontana irame barea kote sakodive isi po jekh luludi. Trujal odova o panelia informirinena o anava taro masovno mudarde ko vakti taro terorizmo taro o nacionalsocialistoa.

Link: https://www.minderheitensekretariat.de/aktuelles/a/artikel/detail/denkmal-fuer-die-im-nationalsozialismus-ermordeten-sinti-und-roma-europas-im-offiziellen-besucherpogr/

Sar e Romenge si čhivdo o pežorativi "Cigani"?

Sar thaj soske si dendo o pežorativno anav e Romenge pendžarde telel o anav "Cigani"? Saste si pendžarde kaj odova dopherdo anav e Romenge bašo olengoro anavkeriba tari rig o butiba nacia kote so dživdinen o Roma.

Numa odova lafi "Cigani" nikana na istemalkerel pe an i komunikacia maškar peste o Roma kana keren lafi. I konkluzia si akaja a odova si kote an i Romani čhib na figuririnel o lafi "Cigan/i, thaj odova si dendo taro naRoma - Gadže, te šaj etiktirinen e manušen so si len bilačhe tabiatia.

O Roma maškar peste anavkeren pe aso olengoro dijalekto thaj savo pleme - darhinalipa sar so si Roma, Sinti, Kale, Manuš thaj aver.

O hramosarde dokumentoa sar resle o anava datirinel taro XI veko , thaj "Cigani" avel taro grčko lafi - anava Athinganos (τσιγγάνοι jali ἀτσίγγανοι) so ko teganutno translacija si našti te astarel pe. a avdive odoja translacija si etikitiriba sar so si "melalo, čor, hohavno, nagogjaver, bilačho.."

Sar resle akala anava taro romane grupe palal olengiri emigracija tari India?
Ko upre anavkerde regionia angleder olengoro aviba akale romane grupenge sine jekh grupa "sektašia" so keren sine "magie" , thaj ola sine eliminirime taro odola dizutne sar Antihristia thaj anavkerde sar " Anthigani".

Kana avile i etnikani grupa Roma . sebepi olengoro identično forma e sektaja so gele peske angleder te aven o Roma , o dominatno dizutne trampingje olen e anglutne grupaja - sekta anavkeribaja e formaja sar Athinganos.

O anava kolea so identifikujnel pe thaj piri nacia oficialno resle le ko Jekhto Romano Lumiakoro Kongreso taro IRU an o London an o 1971 berš. lkote sine andi decizia akaja etnikani grupa te anavkerel pe sar Rom /a.

Odoleske ka ovel lačheste akala bilačhe anava jekhe naciake te minimizirinen pe thaj savore te keren zori te eliminirinen pe akala negativno pežorativno anava e Romenge.

Masovno protesto taro Roma an o Den Hag - Holandia

O Roma tari Europa organiziringje avgo masovno protesto sebepi o progreso an o rasisitikano thaj diskrimiatorsko potenciasli an i Bugaria thaj olakere institucie kana si ko pučiba o Roma.

Akava masovno protesto ikergja pe an i holandsko diz Den Hag kote thaj lele pobuter taro šel Roma protestantia.

Akava olengoro bičaljovipa so so sine implemenmtirime sar protesto bičhavgje mesažo dži ki EU institucie baši alaramantno situacia e Romencar akcentea an i Bugaria, Ukraina, Čehia thaj aver EU thema membria.

O progreso taro antiromano hoš ko agorutne berša si dikhlo thaj okarakterizirimi si paldibaja, genocid, mudaripa upral o Roma an o akcentirime thema so si membria an i EU.

Organizatori akale protestoske si o Komiteto baši organizacia e tromale romane protestonge an o Brisel.

O thema taro EU majodoriga phagen o niamia e Romenge

O fundavutne niamia e Romenge majodoriga sistemsko phagel o EU. Isi seriozno problemoa ki akcepcia an i edukacia, kherutnipa, bukjarnipa em sastipaskiri protektiva.

O Roma trubul te oven but majlačhe prezentirime an o mediumia, themakere institucie thaj politikane ofisoa, insistirinela e Europakoro Paralemnti.

Ko dendo antvorto bašo phagiba fundavno niamia e Romenge , o Parlamento rodela majzorale aktia ko mariba mujal antiromani hoš an o EU.

I antiromani hoš si institucialirizimi thaj hor forma taro rasizmo an i džiakanutni historia, so refelktirinela pe prekal terori, diskriminatorska retorika, eksplotacia, stigamizacia thaj diskriminacia" vakeren o eurodeputatia ki akaja deklaracia.

An o teksti akcentirinen kaj phari si i situacia e terne Romencar , kote bajrol o numero okola so nane lenge buti, na educirinen pe jali nane len bari praktika.
Ko jekh rodela pe majbut sasti procentualno akcepcia e Romen ano sa o sfere , konektiribaja e mediumen, themakere institucie thaj politikane ofisia.

O strukturno fondia taro EU trubul te istemalkeren pe ko lačharipa e dživdipaskere šartia thaj avutne ingerencie e Romenge vakeren o deputatia. Ola akharen e themen membria te dikhen o akanutne thaj o nakhle kerde diskriminacie an o fondia thaj te vazden kriseskere aktia mujal okola so teleperavgje akala momentia.

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali