Antigypsyism

Leti, Čehiakiri republika: Startujngja tamikeriba e lipareske taro Holkaust e Romenge thaj Sinti : O putriba si planirimme ko 3 fevruari o berš so avela

O Memoriali taro Holokaust e Romenge thaj Sinti an I Čehia ka ovel phravdo ko 3 fevruari 2024 berš ko  Leti, Pisk, ko than taro  ex konc logoro kote o Roma thaj Sinti sine phanle  ko vakti taro Dujto lumiakoro maribe. Palo odova odote sine farma balenge.

Ki press so sine ikerdo ko 24 novembro ki PPraga bašo plania kana  ka ovel  putardi em kobor si immportantno akava memoriali kerel sine lafi o represent e Muzeeske e romane kulturake ki Čehia kote pali konferencia simbolikane sadingje kašt.

- Avdive sadina kašta so ka oven sar lipar notacia. Aakaja veš simbolikane sikavel o viktimia tari Romani jekhin, Akaja veš simbolikane  ka sikavel sar bajrola o sadživdia e avere jekhinencar . Akava minjoriteto sine bisterdo ko vakti e dujto lumiakere maribaske em sine saste izolirime tari historia – vakergja I Jana Horvatova , direktori e Muzejeske tari Romani kultura an I Praga.

Kao oven  sadime 14.00 kašta . Po jekh sakone viktimeske, Akaja veš ka ovel than sar simboli so sine viktimia  o Roma thaj o Sintia.

- But si importantno te džanel pe so sine ko akava  than O viktimia so  sine avdive but  droma si bisterde, a akava periodi savakteske ačhola sar desavi historikani učharin vakergja o presidenti taro Parlamennti I Marketa Pekarova Adamova.

I ministerka baši buti thaj socijalno politika an o makedonikano Govermento i Jovanka Trenčevska: „Savala si amenge e Romane čhaven te konektirina an i edukacia“

I enjato internacionalno konferencia e džuvlenge thaj Romane čhija thaj travelsia so o nakhlo kurko ikergja pe an o Skopje an I organizacia taro Konsilo Europakoro thaj o Govermento e R.Utarali Makedonia diskutiringja pe e problemenge thaj o faisalia. I resarin sine te dikhel pe si li progresi ki integracia e džuvljenge thaj Romane čhija em Travelsoa, te hulaven o džanlia thaj te notirinen o rizikoa kote ko avutnipa trubul te kerel pe buti.

„Amari savala si te kera jekh sasoitnipa savorenge , biathinale savo si o etnikumi thaj ka oven  ka hošinene pe siguritetno em ka ovel len jekh a jekh šajdipa  dži ko resursia bašo personalno buvljaripa em progresi. Sasoitnipa so integririnela , a na kerel segregacia, sasoitnipa so kerel uniba, a na kerel hulavipa ,  thaj sasoitnipa so kerel  inkluzia , a na phanlipa. Vakergja I ministerka baši socijala I Jovanka Trenčevska.

O zori so kera ko anglal džajbe e statuseske tari Romani džuvli an I Amari them, sar so vakerel I Trenečevska ikljol tari strategia e NAP e Romenge an I Makedonia sar ekstra Akcisko plani e Romane džuvljake. 

Amari savala si dopherde te len ppe konsekvence em aktivitetoa te šaj nakhel pe odoja situacia ki inklzuia e Romane čhavenge an I edukaca te šaj oven ko diveseskere centroa resarinaja te del pe lenge suporto em lenge em lengere jerienge.

In Memoriam: Marko D. Knudsen (1974 – 2023 )

Ko 21 Novembro , o Roma thaj I Romani jekhin sar tari Europa agjaar thaj tari lumia na[avgje  jekhe bare thaj pendzarde Romane eksperto thaj aktivisto. O Marko Knudsen pire angažmanea taro ire terne berša startujngja piro aktivizmi, thaj ko sasto odova periodi kergja but ko maripa mujal diskriminacia thaj antiromani hoš. Ov sine moldime sar ki Romani agjaar thaj ki naRomani jekhin. Piro džanlipa sikavgja ole thaj sar Eksperto ko Instituti Georg Eckert , kergja buti ko Ofiso vash integracia an o Hamburg, thaj ko jekh sar defektologo em socialno bukjarno ki Asociacia e edukaciake ko Roma an o Hamburg. Sine aktivno ki konekcia thaj lejbe than ko Roma thaj Sinti , Konsiliaro ko importantno institucie  bašo Roma thaj Sinti, ekpserto an o Ofiso taro OSCE vash demokratia thaj manušikane hakoa  (ODIHIR). Sine pendžardo em sar filmsko producento em filmsko bukjarno, Kerel sine buti thaj sar TV producento an o Offener Kanal Hamburg,

Dživdinel sine em kerel sine buti an o Hamburg.

 

O fotografi Sever Zolak fotografiringja re Slagjana Novakov thaj representiringja ola sar Romani akademsko titulaja, hrabro, elegantno džuvli thaj but šuži

I Slagjana Novakov si educirimi Romani džuvli, akademskoo diplomaja, soo pobuter na dživdinel ko nalegalno romani mahala. Oj dživdinel sine ki romani mahala Opovo ko Zrenjanin a akana si ko Beograd thaj si la 30 berša. O Sever Zolak akale portretoa alusarghja e Slagjana resarinaja te sikavel savorenge kaj e Romane džuvljen but hari si inspiracia ko arti em majbut si demistificirine prekal I rolja sar nesave aver džuvlja.

Akava si avgo drom  I Slagja te ovl modeli. Akava performansi dsine ko Beograd ko muzei e dizjake  Beograd, ko periodi 15. 10. - 29. 10. 2020  kote modeli sine i Slagjana Novakov, make up Dragan Vurdelja thaj dizaneri e fustaneske i Ines Jankovič.

Link: https://www.originalmagazin.com/urednicki-izbor/sever-zolak-sladjana-novakov-paja-jovanovic/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 132 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date