Grupa terne džuvlja taro Trinto Rajho sako dive dživdinen sine rizikoa ko piro dživdipa sine len profesia so na kamel sine la niko. Ola sine degustatoria e hajbaske so dena sine e Hitlere, so ola majanglal probinena le sine sa so avel sine ko Fireri ko astali anglal leste, sakone čipotake te manglja neko taro o leskere dušmania te manglja te otrujnel ole.

Olenge niko na džanel sine sa dži ko 2013 berš kana i 95-beršengiri Margot Volk hulavgja piri storia e žurnalistoske taro "Spiegel". Akana si kerdi tetarsko performasi taro režiseri Michael Kolos Bruks bašo Hitlesreskere degustatorke.

O fokus si dendo ko storie dživdipaske štar džuvlenge so dživdinen sine ki jekh škola trujal e Hitlereskoro kabineto ko vakti taro Dujto lumiakoro mariba . O kompleksi arakhljovela sine ki Polska.

I drama kerel rodaripa e duripaske tari historia e Dujto lumiakere maribaske thaj rodarela i univerzalno tema tari adolesencia thaj ko riziko trujalipa. Olengere dživdipa sine pherdo momentia so darana sine pire dživdipaske, sakone rojaja so anen sine uzal piro muj , a sine em bnut dosadno buti, havlajrel o BBC. 

Paralela taro aver askereskere džanlipaja taro averengoro dživdipa olengoro dživdipa sine lokho em dosadno. Dži ko 1944 berš ki germania sine but bokhale manuša a olende sine len po trin hajba sako dive thasoske o Hitler sine vegetarijanco , thaj oleskiri dieta sine majbut taro pirindži, testenine em egzotično emiši.

E slovakiakoro serveri "Glob.sk" informirinela kaj o deputatoa tari "Nacionalno partia Amari Slovakia - ĽSNS, pakjana kaj e kaninikani protektiva e themake e personenge so " si len anav, čačipam thaj bariupa" akana si bastirime ko mediumia prekal o internet thaj odova trubul te ovel majlačheste thaj odoleske dena propozalo neve kanoneske.

O deputatia tari LSNS o Marijan Kotleba, Jan Keckes, Ratislav Slosir thaj Stanislav Drobni ka den propozalo ko trmape e kanoneske ko mediumia kana o Nacionalno parlamento ka ikerel bešipe ko septemvri

O resarin e kanoneske te buljarel pe o perimetar taro akanutno kanoni te šaj odothe konektirinen pe o internet servisia thaj internet portalia.

O ĽSNS si fašistikani partia legardi taro Kotleba so pakjal an o etosi ki askerskiri slovakiakiri them thaj olakere membrora.

„O globalno trendo ko elektronsko infoirmacie but sig buvljarel pe thaj praktično našti čhinavel pe. Jekh taro majinteresno em intenzivno aktiviteto ko mediumia si haberia prekal Internet" notirinen o jurisdiktia taro NSNS.

Link: http://www.romea.cz/en/news/world/slovak-fascists-want-to-change-laws-about-online-media-to-prevent-libel