Angleder pobuter tar jekh berš  dokumentarno filmi tari SP BTR „ Dživdipa pe droma“ ki režija taro Zoran Dimov , ikergja piri premiera , kote e publika mukhlja ko asva em hor emocie. I storia si baši marginalizacia, ekonomsko nasiguriteto, egzistencia jekhe 5 dženengere romani familia, kote  ko jekh sine da len džene bizi dokumentacia em bizo kher.

Akana si ko agor e formalnosteja taro dokumentacia em ko sig vakti ka len pe dokumentia baši identifikacia . Numa jekh taro majbare benefitia si kaj jekh taroo šerutne akteria o tikno 8 beršengoro Sali Ademov so anglutne sine pe familijaja pe skopsko droma em mangel sine devlenge  akana počmingja jekh majšužo perido ko dživdipa. Počmingja te džal ki škola em te educirinel pe.

Baš i poenta e dokumentarcoskiri si em e režisereskiri Dimov te ovel em bičhavel mesažo e themake em e institucienge kaj akale familiake te del pe šansa te dživdinen piro dživdipe sar savore avera an i them. I pakjiv si akate e filme „Dživdipa pe droma“ sine le efekti!

O kher tari Esma thaj Stevo Teodosievski so valjani sine te ovel muzei taro humanost em muzika – properela. Taro objekti ačhile salde nange duvaria, a andre salde po desavo phago kotor so notirinela kaj ki leste ko desavo vakti neko dživdinela sine.

Sa so neko dikhlja kaj si vredno si legardi, a te ovel I ironia panda pobari ikavde si em  o kablia taro duvaria. Isi salde desave purane patrina em fotografie so si frdime tele sar kašuko svedoko kaj odothe sine I thagarutni romane giljake I Esma

Naktari e khereskor sar so sine anglutne notirime si e unukon tari Esma so negirinen olakoro testament em na mukhen te realizirinel pe I mangin tari Esma em o Stevo o kher te ovel muzei . Numa te ovel da odova ni jekh nadžanela kaj si akana legarde  o bukja taro kher . Vakeren kaj jekh slika si sar milja lafia , odoleske isi nekobor eksluzivno fotografie taro andruno kotor  e khereske sar na respektirinela pe  o liko em o aktia e bare Esmake em Stevoske

Link: https://vecer.mk/zabavna/namesto-muzej-kukjata-na-esma/